Rievdadusat ruhttema ja bearráigeahču prinsihpain

Buollineastadeaddji láhkaásahusa mielde 1.1.2016, galgá suohkan fuolahit ruhttema ja bearráigeahču liggenrusttegiin (suovvabohcci ja dollasadji) mat adnojit huksehusaid liggemii.

Ovdal lei gáibádus ahte ruhtten ja bearráigeahčču galgá dahkkot unnimusat oktii juohke 4. jagi. Ođđa buollineastadanláhkaásahusas galgá ruhtten ja bearráigeahčču dahkkot kártejuvvon riskka ja dárbbu mielde. Ruhttema ja bearráigeahču dávjodat mearriduvvo liggenrusttega dilálašvuođa, giehpahivvodaga, liggenminstara ja eanet vuođul. Ruhttema ja bearráigeahču dávjodat sáhttá danin rievddadit visttis vistái.

Dát láhkaásahus lea vuogi birra man vuođul ruhttejeaddji bargá ja man dávjá ruhtten galgá dahkkot.

Odne lea nu ahte juohke liggenrusttega galgá riskaárvvoštallat ja kártet mearridan dihte man dávjá ruhtten galgá dahkkot. Dát dahkko dieđihuvvon bearráigeahču bokte. Váldá 40-50 minuhta čađahit bearráigeahču, gos ruhttejeaddji ovttas viessoeaiggádiin geahčadeaba suovvabohcci, dolastansaji, gáibádusaid, giehpahivvodaga, liggenminstara, buollinbiškkoniid ja dollajáddadanreaiddut.

Bearráigeahčus kárte ruhttejeaddji ruhttendárbbu go bearráigeahččá suovvabohcci, giehpahivvodaga ja liggenminstara.

• Kritihkalaš suovvabohccit ruhttejuvvojit dakkaviđe ja/dahje hui fargga. Dás bivdit viessoeaiggáda ordnet ruhttemii ráidalasa ja beassama suovvabohcci lusa.
• Suovvabohcci mii ii definerejuvvo kritihkalažžan, muhto mii dárbbaša jahkásaš interválla, biddjo ruhttemii go dáhkki ja beassan dasa lea ordnejuvvon. Dát vai árgabeaivi galgá šaddan álkibun viessoeaiggádii nu ahte eai dárbbaš omd. goaivut nu ahte beassá suovvabohcci lusa.
• Seamma guoská suovvabohcciide main leat guhkibut intervállat.

Bearráigeahčus viessoeaiggát oažžu dieđu goas biddjo dihto áigi ruhttemii ja ahte dát dieđihuvvo ovdagihtii SMS:in.

Dássážii lea Brannforebygging AS Guovdageainnus čađahan lagabui 300 bearráigeahču álggaheami rájes. Šiehtadusas daddjo ahte galget fitnan buot viesuin dahje galget fitnama fállan buot viesuide ovdal 2023 čakčamánu.

Dát mearkkaša ahte viessoeaiggádat geaid luhtte eai vel leat fitnat dahje geat eai lea ožžon dieđu fitnama birra, bohtet dan oažžut. Jus dattetge leat muhtumat geain lea viessu mainna vuorjašuvvet dahje háliidit dat galgá vuoruhuvvot, de sáddebehtet áinnas dieđuid vai dáid sáhttá fitnat geahččame gávnnahit leat go kritihkalaš dilis.

Stuorámus sivva suovvabohccebuollimiidda Norggas lea boasttuvuohta liggenteknihkas. Dát lea danin okta čuoggáin bearráigeahčus masa atnet olu áiggi čilget dán birra viessoeaiggádiidda.

Eastadeaddji bargu lea hui dehálaš sihke suovvabohccebuollimiid ja viessobuollimiid ektui.

Ruhttenplána

Guovdageainnu suohkan atná dál dihtorprográmma namain KOMTEK buollineastadeapmi (seamma prográmma go maid sullii 50% norgga ruhttendoaimmahagas geavaha).

Maŋŋel juohke intervállaid árvvoštallama, vuogádat automáhtalaččat buvttada makkár viesuin galgá fitnat goas.
Dát mielddisbuktá go fágadieđut leat biddjon vuogádahkii, de sáhttá viežžat dieđuid geaid luhtte galgá fitnat goas.
Dát mearkkaša ahte ruhttenplána ii dárbbaš leat siskkildit dihto guovlluid daningo guovtti ránnjás sáhttet leame guovttelágan intervállat fitnamii.
Juohke viessu gos fitnat biddjo sisa fágadieđuiguin dán vuogádahkii mii dahká ahte juo boahtte jagi rájes álkit sáhttá viežžat “ruhttenplána intervállaiguin”.

Guovdageainnu suohkana ruhttenplána lea ná:

1.  Gaska viesuiguin gaskal Kárášjoga suohkanráji ja Gievdneguoikka
2.  Gievdneguoika Álttá suohkanráji guvlui
3.  Gievdneguoika Guovdageainnu márkana guvlui
4.  Guovdageainnu márkan
5.  Guovdageainnu márkan Suoma riikaráji guvlui
6.  Birrasis guovllut Guovdageainnu márkana birra
7.  2.geardde fitnan viesuin mat eai leat vástidan ovddeš dieđiheami/fitnama

Mii šállošit go eat sáhte addit juste dáhtoniid goas fitnat din viesuin, muhto lea veadjemeahttun ovdal go leat fitnat buot viesuin Guovdageainnus ja registreren dáid fágadieđuide.

Mii sáhttit din jeđđet dainna ahte 2023 čakčamánu rádjái galget buot viessoeaiggádat ožžon fitnanfálaldaga. Geaid luhtte eat vel leat fitnat, boahtá fálaldat SMS bokte mas addo buorre informašuvdna ja vejolašvuohta duođaštit šiehtadusa.