Čoahkkin lea arena gos nannet suohkana ja ealáhusaid ovttasbarggu, ja addá vejolašvuođa digaštallat áigeguovdilis áššiid, hástalusaid ja áŋgiruššamiid Guovdageainnu boahttevaš ealáhusovdáneami ektui.

Agenda:

• Stáhtus suohkana ovdánahttinprošeavttain, nuppástuhttinprográmma ja infrastruktuvrra birra

• Dieđut ekonomalaš doarjjaortnegiid ja váikkuhangaskaomiid birra

• Ealáhusdoaimmaid cealkámušat dárbbuid ja hástalusaid birra

• Fáddáságastallan: Strategalaš ealáhusovddideapmi - maid mii áigut vuoruhit Guovdageainnus?

• Fitnodagat ožžot vejolašvuođa muitalit iežaset áŋgiruššamiid ja doaimmaid birra

Háliidat go muitalit iežat fitnodaga dahje prošeavtta birra čoahkkimis? Sáddes e-boastta čoahkkinčállái Nils Runar Hætta.

Čoahkkin lea rabas buot Guovdageainnu fitnodagaide, organisašuvnnaide ja ealáhusaktevrraide. Mii ávžžuhit erenoamážit fitnodagaid, fitnodateaiggádiid ja hutkás ealáhusaid searvat.

Dieđiheapmi: It dárbbat dieđihit ahte boađat  

Bures boahtin deaŧalaš ja movttiidahtti deaivvadanbáikái ealáhusaide Guovdageainnus!