Guovdageainnu suohkan lea čađahan ássiidiskkadeami 2023 čavčča, dan olis ahte suohkan lea ođasmahttimin suohkanplána servodatoasi. 701 ássi vástidedje iskkadeapmái, ja Guovdageainnu suohkan bovde dál álbmotčoahkkimii mas ovdanbuktit ássiidiskkadeami bohtosiid ja mo suohkan áigu daid čuovvulahttit.

Goas: 22.04.24, dii. 18:00 - 21:00 
Gos: Báktehárjji kafeas

Prográmma
18:00 – 18:10 Sátnejođiheaddji sávvá buresboahtin
18:10 – 18:50 Ássiidiskkadeami ovdanbuktin, Várdu AS bokte
18:50 – 19:10 Movt suohkan áigu čuovvulahttit ássiidiskkadeami, suohkandirektevrra bokte
19:10 rájes Jearaldagat ja ságastallan

Mii guossohit gáfe ja gáhkuid/šattuid.

Bures boahtin!