Dat lea earru almmolaš ja priváhta báhtaranlanjain Norggas. Almmolaš báhtaranlanjat leat dakkárat gosa olbmot mat leat láhkosis daid sáhttet ohcalit jus ožžot dieđu dan birra. Guovdageainnus eai leat almmolaš báhtaranlanjat. Priváhta báhtaranlanjat leat dakkárat mat leat huksejuvvon ja mihttodallon sidjiide geat beaivválaččat atnet dahje gullet dan opmodahkii. Priváhta báhtaranlanjat leat ovdamearkka dihte báhtaranlanjat suohkana skuvllain ja institušuvnnain, dát lanjat eai leat rabas álbmogii, ja dat lea viessoeaiggát gii hálddaša dáid lanjaid. Sivvan manne suohkan ii almmut gos dat priváhta báhtaranlanjat leat go Servodatsihkarvuođa ja gearggusvuođa direktoráhtta (DSB) ávžžuha ahte dat ii dáhkko, ja dan dihte go dát leat juste fal priváhta ja eai leat jurddašuvvon olles álbmogii. 

Norga lea oadjebas ja stabiila riika ja ii leat mihkke mii čujuha ahte šaddá dárbu váldit atnui báhtaranlanjaid lagamus boahtteáiggis. Eanaš báhtaranlanjain leat huksejuvvon maŋŋil soađi ja gitta 1998 rádjai. Dat leat doalahuvvon dego okta máŋga doaibmabijuin suodjalit álbmoga otná beaivái.

Jus háliidat diehtit eambbo báhtaranlanjaid birra de sáhtát lohkat Siviilasuodjalus siidduin dan birra.

Bilde av dør til tilfluktsrom. Uksa báhtaranlatnji