Guovdageainnu suohkan dieđiha ahte Norggas leat sihke almmolaš ja priváhta báhtaranlanját. Almmolaš báhtaranlanját leat oaivvilduvvon suddjet sin geat orrot lagasguovllus go heahtedilli čuožžila. Guovdageainnus eai leat almmolaš báhtaranlanját. Priváhta báhtaranlanját, maiddái dat maid suohkan eaiggáda dahje eará almmolaš ásahusat nugo skuvllat ja sullasaččat, leat ráhkaduvvon olbmuide geat leat visttiin, nugo oahppit ja bargit. Dát lanjat eai leat almmolaččat ja daid hálddaša viessoeaiggát. Vaikko suohkan diehtá buot báhtaranlanjaid logu ja kapasitehta, de ii almmuhuvvo ollislaš listu gos dat gávdnojit dan sivas go Servodatsihkkarvuođa ja gearggusvuođa direktoráhta ii rávve dan dahkat, ja go dat eai leat oaivvilduvvon álbmogii. 

Norga lea ain oadjebas ja dássedis riika, iige leat mihkkege mii čujuha dasa ahte lea áigeguovdil ahte báhtaranlanját bohtet atnui lagamus boahtteáiggis. Eanas báhtaranlanját huksejuvvojedje maŋŋil soađi ja gitta 1998 rádjái, ja dat leat doalahuvvon, oktan máŋga eará doaimmain suddjen dihte siviila álbmoga. 

Eanet dieđuid báhtaranlanjaid birra gávnnat Siviilafuolahusa neahttasiidduin.

Bilde av dør til tilfluktsrom. Uksa báhtaranlatnji