NVE lea ožžon ohcamuša Statkraft Energi AS:s oažžut lobi cegget goalmmát aggregáhta (A3) Álttá fápmorusttegis. Ohcan oktan váikkuhusguorahallamiin lea sáddejuvvon almmolaš gulaskuddamii, mas lea vástidanáigi njukčamánu 31. beaivvi 2026.
Álttá elfápmorusttet ávkkástallá Guovdageainnu eanu čázádagaid, ja váldá čázi Virdnejávrris. Fápmodoaimmahat biddjui doibmii 1987:s guvttiin elfápmorusttegiiguin, ja dalle huksejedje dan várás vejolašvuođa viiddidit rusttega maŋit áiggi. Goalmmát aggregáhtta sáhttá lasihit jahkásaš fápmobuvttadusa sullii 130 GWh ja installerejuvvon fámu 120 MW. Aggregáhta lea plánejuvvon ávkkástallat dan čázi mii dulveáiggi muđui golgá fápmorusttega meaddel nu ahte ii ráhkat elfámu.
Eanas bargu dáhkko dálá fápmorusttega siste. Ođđa bistevaš olgoguovllu geavaheapmi lea ráddjejuvvon dohko gos Čávžu transformáhtorstašuvdna lea, ja gaskaboddasaš geavaheapmi lea “portálaguovllus”.
Almmolaš diehtojuohkinčoahkkin Mázes.
Gulaskuddanproseassa oktavuođas bovde NVE almmolaš diehtojuohkinčoahkkimii:
Mánnodaga guovvamánu 2. b. 2026 dii. 19:00
Báiki: Máze skuvlla lášmmohallansálas
Čoahkkin dulkojuvvo sámegillii.
Čoahkkimis galgá:
• NVE dieđihit ohcamuša áššemeannudeami birra
• Statkraft ovdanbidjat plánaid ja váikkuhusaid
• Vejolašvuohta ovddidit gažaldagaid
Čoahkkin lea rabas buohkaide.
Gulaskuddan ja cealkámušat
Buohkat geain leat oainnut áššái sáhttet sáddet gulaskuddancealkámuša NVE:ii. Áigemearri sáddet evttohusaid lea njukčamánu 31. b. 2026. Cealkámušat šaddet almmolaš dokumeantan ja dat leat oassin NVEs viidáset áššemeannudeami oktavuođas.
Dás reivves NVEas sáhtát lohkat eamppo ášši birra (PDF, 100 kB)