Álbmotdearvvašvuođainstituhtta ja Finnmárkku fylkkasuohkan čađahit 2026 giđa ođđa álbmotdearvvašvuođaguorahallama buot Finnmárkku suohkanin. Maŋemus iskkadeapmi mii lea dahkkon fylkkas lei 2019.

Guorahallan sáddejuvvo digitálalaččat njukčamánu 2. beaivvi ja lea rabas vástidit birrasiid njeallje vahku. Oasseváldit válljejuvvojit soaittáhagas Álbmotregistaris olbmuin geat leat badjel 18 jagi. Bovdehus sáddejuvvo e-poasta ja SMS bokte.

Maid sii jerret?

Jearahallanskovvi lea dearvvašvuođa, loaktima ja eallindiliid birra mat váikkuhit álbmotdearvvašvuhtii. Fáttát leat earret eará:

• Bajásšaddan- ja eallineavttut

• Lagasbiras ja birasdilit

• Vahágat ja lihkuhisvuođat

• Geavahit gárrenmirkkuid, borgguhit ja juhkat alkoholalaš juhkamušaid

• Dearvvašvuođa ja bátnedearvvašvuođa dilli

Dasa lassin leat gažaldagat eallinkvalitehta birra, ja sierra oassi olbmuide geain lea sámi ja/dahje kveana/norgga-suoma duogáš.

Manne lea dutkan dehálaš?

Suohkanin ja fylkkasuohkanin lea ovddasvástádus das ahte sis lea oppalaš govva álbmoga dearvvašvuođadilis ja dain fáktoriin mat dasa váikkuhit. Bohtosat adnojit plánemii, bálvalusaid ovddideapmái ja eastadandoaimmaide.

Go leat ollu oassálastit, de dat addá eambbo luohtehahtti bohtosiid - maiddái unnit suohkaniidda. Dat ráhkaduvvo fylkkaraporta ja maiddái suohkanlaš lasseraporttat.