Dieđut gáiddusoahpahusa birra ja movt ohcat
Gáiddusoahpahus fállá davvisámegiel gáiddusoahpahusa vuođđoskuvlaohppiide miehtá Norgga
Almmuhuvvon 16.07.2018 15.32
Maŋemusat rievdaduvvon 19.06.2025 14.56
Gáiddusoahpahus lea Mázes
Gáiddusoahpahus lea leamaš Máze skuvllas 2023 rájes. Máze skulva fállá davvisámegielat gáiddusoahpahusa joavkooahpahussan. Fágalaš ovddasvástideaddji gáiddusoahpahusas lea Máze skuvlla rektor.
Ovddasvástádus
Máze skuvlla rektor: Ella Eira
E-boasta čujuhus: ella.eira@kautokeino.kommune.no
Telefovdna: 41367965
Čuovvu suohkana skuvlaruvtto
Gáiddusoahpahus čuvvot Guovdageainnu vuođđoskuvlla skuvlaruvtto.
Kontrákta:
Gáiddusoahpahus davvisámegielas lea neahttaoahpaus ja fállo hospiteren. Hospiteren sáhtát válljet njeallje geardde skuvlajagis, čakčat ja giđđat. Hospiteremis deattuhuvvo sámegiella, kultuvra ja eallin. Oahppit besset oahppat sániid ja doahpagiid árbevirolaš bargguid ja duoji bokte.
Movt boahtit johtui ja ohcat oažžut oahpahusa?
Buot sámi ohppiin vuođđo- ja joatkkaskuvllain lea vuoigatvuohta oažžut oahpahusa sámegielas beroškeahttá gos riikkas sii orrot (geahča oahpahuslága, kap 6). Buot oahpahus čađahuvvo oahppoplánaid mielde.
Finnmárkku Stádahálddašeaddji galgá bearráigeahččat ahte oahppit ožžot davvisámegiela gáiddusoahpahusa vuoigatvuođaid ja dárbbuid mielde ja sii bearráigehččet maiddái koordinerema. Oahppodirektoráhtta addá refušuvnna sámi oahpahusa goluin suohkaniidda/priváhtta skuvllaide vuođđoskuvlasuorggis. Juohke skuvllas lea ovddasvástádus deavdit GSI rapporteremii man mielde oažžu doarjaga.
Mii lea Guovdageainnu suohkana ovddasvástádus?
Suohkanis lea bargoaddiovddasvástádus oahpaheaddji ovddas, ja gokčá goluid nu movt bálká, dihtor, telefovdna, interneahtta, bargoreaiddut ja bargolanjat. Guovdageainnu suohkanis lea ovddasvástádus addit ohppiide sámegiela neahtaoahpahusa. Ruovttuskuvla oažžu fágaplánaid go skuvlajahki álgá, ja jahkebealárvvoštallamiid ođđajagimánu ja geassemánu. Guovdageainnu suohkana ovddasvástádus lea gávdnat sadjásašoahpaheaddji go neahttaoahpaheaddji lea eret, ja guoddá maiddai sadjásašbargi goluid.
Mii lea ruovttusuohkana ovddasvástádus?
Oahppi ruovttusuohkana/skuvlla ovddasvástádus lea láhčit oahpahuslanjaid, ja rábidit oahpponeavvuid oahppái. Ruovttusuohkan/skuvla oažžu dieđu goas oahpahus sáhttá addot, ja skuvla dáhttojuvvo duođaštit oahpahusáiggi. Ruovttusuohkanis/skuvllas lea ovddasvástádus gokčat mátkegoluid ja orruma hospiterema oktavuođas.
Movt šiehttadit gáiddusoahpahusa?
Refušuvdnagáibádus
Refušuvdnagáibádus: ru. 1 100,- jáhkkediimmus ovttaskas oahppai juohke váldodásis ja ru. 1 700,- joavkkus juohke váldodásis mii sáddejuvvo ruovttusuohkanii juovlamánu ja geassemánu.