Jus leat fárren eará suohkanii ja fárrendieđáhus ii leat joavdan álbmotregistarii ovdal geassemánu 30. beaivvi, de leat don ain dan suohkana jienastuslogus gos fárrejit eret. 
De fertet juogo ovddalgihtii jienastit dahje mannat válgabeaivve dan suohkanii gos ásset ovdal geassemánu 30. beaivvi.
Jus oaččut válgakoartta de mearkkaša dat ahte don leat jienastuslogus. Válgakoarttas čuožžu guđe suohkana jienastuslogus don leat.

Jus it leat ožžon válgakoartta borgemánu 10. beaivvi rádjái, de berret váldit oktavuođa suohkaniin ja iskat leat go don čálihuvvon jienastuslohkui.

Jus du namma ii leat jienastuslogus, dahje oaivvildat ahte listtuin leat eará boasttuvuođat, de sáhtát váidalit. Váidda galgá leat čálalaš ja dat galgá leat vuođustuvvon. 

Váidda sáddejuvvo: 

Guovdageainnu suohkan
Bredbuktnesveien 6
9522 Guovdageaidnu