Stuorradiggeválggat:

Buohkat, geat leat álbmotregistaris merkejuvvon suohkana ássin geassemánu 30.b. 2025, leat jienastuslogus.

Jus leat fárren eará suohkanii ja fárrendieđáhus ii leat ollen álbmotregistarii ovdal geassemánu 30. beaivvi, de leat don ain dan suohkana jienastuslogus gos fárrejit eret. De fertet juogo ovddalgihtii jienastit dahje boahtit válgabeaivve dan suohkanii go ásset geassemánu 30. beaivvi.

Don sáhtát iskat leat go don Guovdageainnu suohkana jienastuslogus. Jus du namma ii leat jienastuslogus, dahje jus gávnnat eará boasttuvuođaid listtuin, de sáhtát váidit. Váidda galgá leat čálalaččat ja váidda galgá čilgejuvvot.

Váidaga sáddet:

Guovdageainnu suohkana válgastivrii

Bredbuktnesveien 6

9522 Guovdageaidnu

dahje e-boasta bokte: e-post@kautokeino.kommune.no

Sámediggeválga:

Sámedikki jienastuslohku lea maid biddjojuvvon almmolaš geahčadeapmái seamma sajis ja seamma áigge.

Don sáhtát iskat leat go don jienastuslogus. Jienasteaddjit sáhttet dieđihit boasttuvuođaid, maid gávdnet jienastuslogus, ja gáibidit divvut daid. Sámediggeválggas dakkár gáibádusat dahkkojuvvojit Sámediggái.

Válgajienastuslogu boasttuvuođaid lea vejolaš gáibidit divvojuvvot, gáibádus ferte leat čálalaš ja vuođuštuvvon. Sámedikki jienastuslogu váidimat galget sáddejuvvot Sámediggái.

Geavat Sámedikki elektronalaš skovi divvungáibádusa sáddemis.