Guovdageainnu suohkana boastalistu

Guovdageainnu suohkana boastalistu 

(golggotmánu 2022 rájes)

Guovdageainnu suohkana historjjálaš boastalistu (čakčamánu 2022 rádjai)

Jus háliidat oaidnit boarráset áššit sáhtát sáddet jearaldaga suohkana arkiivii e-boasta bokte: e-post@kautokeino.kommune.no

 

ALMMOLAŠ JOURNALA (BOASTALISTU)

Álkit čilgejuvvon: oppalaš geahčaldat suohkana sisaboahtán ja olggosmanni čálašeapmi journalførejuvvon suohkana ášše- ja arkiivavuogádahkii.

Guovdageainnu suohkanis lea sierra portála ášše- ja arkiivavuogádaga boastalisttu oaidnimii.

Boastalistu ođasmahttojuvvo maŋŋonemiin siskkáldas kvalitehtadárkkisteami dihte.

Gávdnojit maid boastalisttut eará fágavuogádagain, muhto dát eai almmuhuvvo suohkana ruovttusiiddus.

 

Boasta suohkanii lea almmolaš

Galggat go sáddet reivve dahje e-boasta Guovdageainnu suohkanii? De fertet jurddašit dán birra:

  • Buot áššedokumeanttat (maiddai e-boastat) maid Guovdageainnu suhkan oažžu dahje ieš sádde leat almmolaččat, nu guhká go dain eai leat dieđut mat eai leat almmolaččat jávohisgeatnegasvuođa dihte.
  • Buot áššedokumeanttat bohtet boastalistui. Boastalistu lea almmolaš ja gávdno neahtas.
  • Fuomáš dan ahte du reive sáhttá namuhuvvot dahje siterejuvvot mediain. 

Boastalisttus sáhtát geahččat dokumeanttaid maid suohkan lea ožžon dahje ieš sádden, nu guhká go eai leat 
jávohisvuođageatnegasvuođa vuollásaš dokumeanttat. Dokumeanttaid mat leat almmolaččat sáhttá llislaččat lohkat min boastalisttus.

Dieđuid main leat sensitiiva persovdnadieđut ja/dahje eará jávohisgeatnasvuođa vuollásaš dieđut, eai galgga sáddejuvvot e-boasta bokte dahje makkárge sosiála media kanálaid bokte Guovdageainnu suohkanii. 

Sihkkaris vuohki sáddet dokumeanttaid main sensitiiva dieđut

Jus galggat sáddet reivve suohkanii mas leat ovdamearkka dihte sensitiiva dieđut, galggat atnit eDialog:

eDialog - sihkkaris digitála boastasádden Guovdageainnu suohkanii

Dat leat dan dihte go e-boasta ii leat sihkkaris sáddehusvuohki, vearrámus mii sáhttá geavvat lea ahte dieđut bohtet boastu gieđaide.

Jus leat eahpesihkar makkár dieđut leat sensitiiva dieđut, sáhtát geahččat almmolašvuođalága.