Láiguhit oasi viesus, dasa iešalddis ii leat ohcangeatnegasvuohta, muhto dat dávjá eaktuda rievdadeami latnjageavaheamis (geavahanrievdadus) dahje šaddá ráhkadit sierra orrunovttadaga, ja dasa lea ohcangeatnegasvuohta.
Almmuhuvvon 08.06.2018 23.46
Maŋemusat rievdaduvvon 18.08.2025 08.24
Ráhkadit sierra orrunovttadaga
Mearrádusas § 2-2 SAK10 čuožžu ahte lea dušše ohcangeatnegasvuohta go dálá viesus ráhkaduvvo orrunovttadat mas:
- leat buot orrunviesu váldofunkšuvnnat (beaivelatnja, oađđenlatnja, lávgunlatnja, gievkkan)
- lea sierra váldouksa
- lea fysalaččat sirrejuvvon eará ovttadagain
Gáibádusaid galgá dušše árvvoštallat dáid fysalaš iešvuođaid vuođul. Lea dehálaš dárkkuhit ahte ásodaga osiid láigoheapmi iešalddis mii mielddisbuvtte ohcangeatnegasvuođa. Nu guhká go lanjat adnojit lobálaččat orrunovttadahkan, de sáhttá láiguhit dan ásodahkan
Goas lea orrunovttadat fysalaččat sirrejuvvon?
Gáibádus fysalaš sirremii mearkkaša ahte ii leat vejolaš beassat nuppi viessooasis nubbái, nu ahte ii šatta mannat olggos dahje oktasašareálaid čađa. Váldogeardi ja geallir leat orrunovttadagat jus lea siskkáldas tráhppá daid gaskkas. Dát gusto vaikko tráhppá lea steŋgejuvvon lássejuvvon uvssain, ja váldogearddis ja gealláris goappešagain leat buot váldofunkšuvnnat.
Geahča SAK10 §2-2 bagadusa eanet dieđuid dáfus.