Don it dárbbat ohcat

Go garáša lea sierra huksehus huksejuvvon opmodagas ja ollislaš geavahanareála (BRA) dahje huksejuvvon areála (BYA) lea eanemusat 50 m².

 Geahča SAK10 § 4-1 a bagadusas detállja dieđuid.

Dehálaš eavttut

• Doaibmabidju ii ábut rihkkut gustovaš areálaplána.
• Ii galgga rihkkut huksensaji ávkkástallanmeari
• Garášas eai sáhte leat lanjat bistevaš orrumii.
• Das lea 1 geardi, ja dasa ii sáhte huksejuvvon geallir.
• Gaska ránnjárájás ferte leat unnimus 1 mehtera.
• Gaska eará huksehussii huksensajis ferte leat unnimus 1 mehtera.
• Don it ábut bidjat garáša nu ahte rihkku huksenráji geainnu dahje ruovdemáđii guvlui. Jus bidjá lagabui geainnu/bána go dan mii huksenrádji lea, de fertet viežžat sierralobi dahje mieđáhusa dasa. Váldde oktavuođa suohkaniin jus eahpádat.
• Maksimála hárjeallodat lea 4 mehtera ja gesimsallodat 3 mehtera  gárvvis jalgejuvvon eanadaga gaskamearálašdásis huksehusa birra.
• Go huksehus lea gárvvistuvvon, de galgá dieđihit suohkanii doaibmabiju ja sajusteami birra. 
  Sádde skovi čujuhusas dibk.no ja kártta e-poasttas   dahje reive mielde.

Dán sáhtát ieš ohcat

Garáša lea sierra, ja ollislaš geavahanareála dahje huksejuvvon areála lea eanemusat 70 m².

Dehálaš eavttut

• Garášas eai sáhte leat lanjat bistevaš orrumii.
• Das galgá leat 1 geardi, ja sáhttá dasa lassin huksejuvvon gealliriin.
• Váldonjuolggadus lea ahte garáša badjel 50m2 BYA galgá ceggejuvvot 4 mehtera eret ránnjárájis.
• Suohkan sáhttá dohkkehit ceggema lagabut go 4 mehtera jus dasa gávdno ránnjámieđáhus, dahje jus leat sierralobi ohcan.
•  

Ovdal go ozat, geahčes mat dán.

Dáid šattat ohcat fágaolbmuid vehkiiguin

• Garášat badjel 70m².
• Garášat eanet go ovtta gearddis.
• Jus garášas galget lanjat orrumii.
   

Dehálaš muitit

Muitte ahte don soaittát dárbbašit jorgalanbáiki iežat opmodagas.

Don sáhtát cegget garáša vuollel 50 m² bruttoareálain 2 m eret ránnjá huksehusas. Jus áiggot hukset garáša mii lea badjel 50 m² lagabui go 8 mehtera eret eará visttis, sierra dahje eará geavahanovttadahkii, de šattat buollinsihkkarastit garáša teknihkalaš láhkaásahusa vuođul.