Dus sáhttá leat riekti ruhtadoarjagii Nav:as jus dus ii leat ruhta bibmui, ásodahkii dahje eará dárbbašlaš goluide. Lea du dilálašvuohta mii mearrida masa dus sáhttá leat riekti.  Nav-kantuvra árvvoštalla du ohcama konkrehtalaččat ja individuálalaččat.

Veahkki heahtedilis galgá gokčat áibbas dárbbašlaš goluid oanehis áigái. 

Sáhtát ohcat čálalaččat ekonomalaš doarjaga ohcanskoviin go dárbbašat veahki heahtedilis. Berret maiddái váldit oktavuođa dan suohkana Nav kantuvrrain gos orut dahje gos leat, dahje riŋget Nav nummárii 55 55 33 33.

Loga eambbo dan birra gii sáhttá oažžut ja man ollu sáhttá oažžut ekonomalaš sosiála- ja heahteveahkis.