Ássandoarjja lea mánnosaš doarjjaortnet mii veahkeha dállodoaluid geain lea unnán dienas ja stuora ássangolut. Ulbmil lea sihkkarastit ahte buohkain lea ráđđi buori ja oadjebas ruktui.

Ássandoarjaga sáhtát ohcat jus láigohat dahje eaiggádušat viesu, nu guhká go deavddát dihto gáibádusaid dietnasa, opmodaga ja viesu ektui.

Dus sáhttá leat riekti oažžut ássandoarjaga jus leat badjel 18 jagi. Jus leat vuollel 18 jagi de dus sáhttá leat riekti oažžut ássandoarjaga jus dus lea mánná.

Jus buot rávisolbmuid sisaboahtu dállodoalus lea eambbo go sisaboahtorádji, de ii leat vejolaš oažžut ássandoarjaga vaikko man stuorrát ássangolut leat. Sisaboahtu rehkenasttejuvvo oktan vearuin.

Du dienas ja ássangolut mearridit man olu ássandoarjaga oaččut mánnosaččat.

Viessobáŋkku neahttasiiddus gávnnat dieđuid sisaboahtorájiid birra ja doppe sáhtát maid ássandoarjjakalkuláhtoriin iskkat lea go dus riekti ássandoarjagii.

Ohcama sáhtát elektrovnnalaččat deavdit ja sáddet Viessobáŋkku neahttasiiddus. Doppe gávnnat maid eambbo dieđuid ássandoarjaga birra ja ohcanáigemeari.

Jus dus leat jearaldagat ássandoarjaga birra dahje dárbbašat veahki ohcat, váldde oktavuođa Ásodatkanturvrrain!

Jus dus leat gažaldagat ássandoarjaga birra, váldde oktavuođa Guovdageainnu Ásodatkantuvrrain.

Guovdageainnu Ásodatkantuvra