Álggahanloatna lea viessoruhtadanfálaldat dutnje gii it oaččo loana dahje doarvái loana dábálaš báŋkkus.

Álggahanloana sáhtát oažžut viesu oastimii, huksemii, ođđasitruhtadeapmái, ođasteapmái dahje heiveheapmái. 

Dus ii dárbbaš leat iešmáksu, muhto dus ferte leat doarvái dienas mainna nagodat gokčat loana ja muđui eará olggosgoluid.

Álggahanloatna sáhttá fátmmastit earret eará mánnaolbmuid, boarrásiid, olbmuid geain lea doaimmashehttehus, olbmuid geain lea vuollegis dienas ja váilu iešmáksu ja maiddái olbmuid geat vuosttaš geardde leat oastiime viesu.

Suohkan sáhttá maiddái juolludit álggahanloana jus ásodatdilálašvuohta hehtte vejolašvuođa doalahit bargodili dahje báikkálaš ealáhusaid ovdáneami.

Suohkan sáhttá ollasitruhtadit viesuid álggahanloanain ohcciide geain ii leat iešmáksu. Jus oaččut viessoloana dábálaš báŋkkus, muhto dat ii leat doarvái viessohatti ektui, de sáhttá suohkan árvvoštallat addit álggahanloana dan oasi ovddas mii váilu.

Álggahanloana galgá elektrovnnalaččat ohcat Viessobáŋkku neahttasiiddus. Suohkan meannuda du ohcama.

Jus dus leat jearaldagat álggahanloana birra dahje dárbbašat veahki ohcat, váldde oktavuođa Ásodatkantuvrrain!

Eambbo dieđuid álgganaloana birra gávnnat husbanken.no neahttasiiddus.

Dáppe gávnnat Guovdageainnu álggahanloana njuolggadusaid (PDF, 595 kB)

Jus dus leat gažaldagat álggahanloana birra, váldde oktavuođa Guovdageainnu Ásodatkantuvrrain.

Guovdageainnu Ásodatkantuvra