Gean váste lea PMTO fálaldat?

Fálaldat lea bearrašiidda geain leat mánát agis 3-12 jahkái, gos bearaš lea gártan negatiiva ovttasdoaibmanminstarii ja mánás leat šaddan láhttenváttisvuođat. Dát sáhttet leat: 
- Ballu
- Nággárvuohta
- Álkit vuollána
- Ovttasbargováttisvuođat
- Riiddut oappáiguin/vieljaiguin ja ovttaahkásaččaiguin 
- Váttisvuođat muddet negatiivvalaš dovdduid

Dát sáhttá mielddisbuktit njálmmálaš ja fysalaš suhtu. Muhtun mánát čájehit nai balu, váivvesvuođa ja heajos iešluohttámuša. 
 

Mii lea divššu ulbmil?

- Ovddidit positiivvalaš váhnengálggaid 
- Lasihit ovttasbarggu ja gulahallama bearrašis 
- Unnidit negatiiva ovttasdoaibmanmálliid ja riidduid 
- Nannet máná iešmuddema, sosiála gálggaid ja loaktima

Movt dat dáhpáhuvvá?

Individuála bagadallan – Don deaivvadat PMTO-terapevttain jeavddalaččat (dábálaččat gaskal 3-9 mánu).
Ságastallamat dáhpáhuvvet dorvvolaš birrasis ja leat heivehuvvon du bearraša dárbbuide.

Heivehuvvo du bearrašii 

PMTO:s terapevtta atná vuođđun bearraša iežas árgabeaivvi ja dárbbuid.  Ságastallamiid bokte dii gávnnahehpet ovttas mii didjiide doaibmá buoremusat. 
Bagadallan heivehuvvo máná ahkái, bearraša dillái ja makkár mihtuid guvlui dii háliidehpet bargat. Ulbmil lea addit váhnemiidda reaidduid mat heivejit sin eallimii – vai rievdadusat šaddet sihke realisttalaččat ja bistevaččat.
 

PMTO Váhnenmáhttu

Bagadallamiin ja hárjehusaiguin oažžut reaidduid maiguin árgabeaivvis oažžut eambbo jaskavuođa, ilu ja ovttasbarggu árgabeaivvis.
Don oahppat earret eará:
- Rámpot ja movttiidahttit máná buori láhttenvuogi ovddas 
- Ráhkadit čielga njuolggadusaid ja rutiinnaid 
- Bidjat rájiid mearálaš ja dorvvolaš vugiin 
- Mot addit buriid dieđuid 
- Riidduid čoavdit buriin vugiin. 
- Hukset positiivvalaš gaskavuođa stoahkama ja ovttasbarggu bokte.

Bagadallan skuvlii ja mánáidgárdái

PMTO ávžžuha váhnemiid, skuvlla ja mánáidgárddi ovttasbargat lávga sihkkarastin dihte mánnái ollislaš čuovvoleami.
Gulahallamiin ja oktasaš ipmárdusain sáhttá ovttastahttit vuordámušaid, rutiinnaid ja doaimmaid mat váikkuhit máná loaktimii ja hálddašeapmái buot arenain. Gulahallama ja oktasaš áddejumi bokte lea vejolaš ovttastahttit vuordámušaid, rutiinnaid ja doaimmaid mat váikkuhit máná loaktimii ja birgemii buot arenain.

Ávki ja dutkan

PMTO vuođđun lea olu jagiid dutkan ja das lea duođaštuvvon ávki. Doaibmabidju čájeha buriid váikkuhusaid geahpedit láhttenváttisvuođaid ja buoridit vánhemiid ovttasdoaibmama, rájiid bidjama ja doarjaga máná ektui. Dat maiddái ovddida máná loaktima ja birgema sihke ruovttus ja mánáidgárddis/skuvllas.

Smávva rievdadus sáhttá mearkkašit ollu!

PMTO:s lea sáhka hukset árgabeaivvi mas lea eanet illu, ovttasbargu ja oadjebasvuohta - sihke dutnje ja mánnái.
 

Váldde oktavuođa:

Svanhild Camilla Utsi
PMTO-terapevta
Telefovdna: 404 48 408
E-poasta: svanhild.camilla.utsi@kautokeino.kommune.no