Mainna lágiin sáhttit mii veahkehit?

Mánáidsuodjalusbálvalusas lea ovddasvástádus:

• rávvet ja bagadallat mánáid, nuoraid ja váhnemiid
• mannat čađa fuolastusdieđuid ja guorahallat máná fuolladil 
• árvvoštallat dárbbu veahkkái ja bidjat johtui ja čuovvolit doaibmabijuid
• mearridit mánáidsuodjalanlága vuođul
•  ráhkkanahttit áššiid mánáidsuodjalus- ja dearvvašvuođalávdegoddái
• čuovvolit mánáid geat orrot biebmoruovttuin dahje ásahusain, ja sin váhnemiid
   

Mánnái buoremussan ja mielváikkuheapmi

Máná buoremus galgá leat vuođđun min barggus. Mánát galget oažžut dieđuid ja vejolašvuođa muitalit iežaset oaiviliid dakkár áššiin mat gusket sidjiide.

Sámi giella ja kultuvra

Mii galgat deaivvadit mánáiguin ja bearrašiiguin  sámi giela, kultuvrra ja servodateallima  ipmirdeamiin 
Sámi mánáid giella, kultuvrralaš identitehta ja gullevašvuohta galgá fuolahuvvot olles áššis, maiddái válljedettiin ja doaimmaid čuovvulettiin.
Mii deattuhat ovttasbarggu mánáin, váhnemiiguin ja máná bearrašiin ja fierpmádagain. Mánát ja bearrašat galget beassat hupmat iežaset giela, ja sin duogá ja vásáhusat galgá árvvusatnojuvvot.

Váldde oktavuođa oažžun dihte ráđiid ja veahki

Sáhttá leat lossat leat váhnemin, ja buot bearrašat sáhttet vásihit váttis áigodagaid. Jus don leat váttis eallindilis ja dárbbašat veahki áimmahuššat máná, de mii ávžžuhit du váldit oktavuođa minguin.
Don it dárbbaš diehtit makkár veahki don dárbbašat ovdal go válddát oktavuođa minguin. Ovttas mii sáhttit ságastit dili birra ja árvvoštallat makkár doarjja sáhttá du ja du máná veahkehit.