Gártnetluohká mánáidgárdi lea juhkkojuvvon golmma iešguđege osiide, fiskes, rukses ja alit oassi. Mánáidgárddis leat gávcci bargi,  jođiheaddji, pedagogalaš jođiheaddjit ja assisteanttat. Mánáidgárdi lea vuogas báikkis, gos luondu lea lagamus ránnjá ja mánáidgárddis lea buorre šillju, mii heive bures sihke geasse- ja dálveduhkoraddamidda.

Plánen- ja kursabeaivvit

Go mánáidgárdebargiin leat plánen- ja kursabeaivvit,  de lea mánáidgárdi steaŋggas:

• Mánáidgárdejagi 2022/2023 giđđajahkebeali plánen- ja kursabeaivvit: 24.02.23., 19.05.23., 13.-14.07.23.
• Mánáidgárdejagi 2023/2024 plánen- ja kursabeaivvit: 07.08.23., 28-29.09.23., 22.12.23., 01.03.24., 10.05.24., 11-12.07.24.

Mánáidgárddi ulbmilat ja vuoruheamit

Mánáidgárdi lea sámi mánáidgárdi mii galgá nannet ja ovddidit sámi giela, kultuvrra ja árbevieruid. Mánáidgárddi birrasis galget dát vuhtot bures: oadjebasvuohta, ovddasvástideaddji, respeakta ja buorre ovttasbargu gaskkal mánáid, bargiid ja váhnemiid.

Gártnetluohkka mánáidgárdi áŋgiruššá giela ja lášmadisvuođa.

​

Gártnetluohkka mg

​

Gártnetluohkka mg