Guovdageainnu kulturskuvla fállá govvadáiddakurssa mánáide ja nuoraide gaskal 8-19 jagi. Kursa lea jurddašuvvon sihke álggaheddjiide, muhto maiddái sidjiide geat háliidit oahppat eambbo. Dán kurssas oahppat iešguđetlágan stiillaid birra, movt hálddašit iešguđetlágan teknihkaid ja movt gaskkustit hámiid ja ivnniid bokte. Dán kurssas mii oahpahit tevdnema, málema, grafihka ja bálseduoji (keramikk). 

Oahpaheaddji lea Christoffer Fjeldstad guhte lea gazzan oahpu Oslo Dáiddaakademiijas ja lea bargan guhkit áiggi dálááiggedáidagiin. Su dáidda lea čájehuvvon ollu čájáhusain ja son lea ožžon sihke bálkkašumiid ja stipeanddaid iežas dáiddabargguid vuođul. Son lea oahpahan Nannestad Kulturskuvllas. 

Kursa čađahuvvo Guovdageainnu kulturviesus (čoahkkinlanjas 158, álbmotgirjerádjosa bálddas)

Guovdageainnu kulturskuvla fállá dánsundiimmuid mánáide ja nuoraide iešguđetge joavkkuide. Kursa heive dutnje jus leat álggaheddjiide, muhto maiddái jus leat ovdal searvan dánsumii. Dáin diimmuin oahpat bargat ráhkaduvvon dánsunrutiinnaiguin (koreografiijain), dárkkistit du gorutlihkadeami, improviseret dánsumin ja stoahkat gorutgielain.   

Kulturskuvlla dánsunfálaldat lea juhkkojuvvon joavkkuide: 
Gaskadásiahkásaččaide (5.-7. luohká ohppiide)
Nuoraide ja nuorra rávisolbmuide (13-20 jagi)

FUOM: Jus leat doarvái bártnit dieđihan, de ráhkadit sierra bárdnejoavkkuid!

Kursaoahpaheaddji lea Ánna-Katri Helander. Son lea hárjánan dánsejeaddji guhte lea vázzán Flow Dance Academy Oslos ja bargan hiphop ja street style dánsunstiillaiguin. Son lea máŋga jagi oahpahan Guovdageainnu kulturskuvllas.

Dát kursa čađahuvvo Davvi Division dánsunstudios. 

Lea go dus beroštupmi lávlumii muhto it háliit akto lávlut? Háliidat go geahččalit koaras lávlut? 

Guovdageainnu kulturskuvllas lea koara mii heive dutnje gii leat nuorra dehe nuorra rávisolmmoš. Dát koara lea sosiálalaš ja musihkalaš fálaldat gos beassat oahpásnuvvat ja ovdánahttit min iežamet lávlunjienaid, oahpásnuvvat eará musihkkaberošteddjiide ja leahkit mielde sosiálalaš birrasis. Dán koaras beasat maid ovdánahttit lávlunteknihka, ovttasčuojaheami ja bargat ovdanbuktinvugiin dorvvolaš birrasis. 

Mii lávlut máŋggabealálaš repertoára (earret eará pop, R&B, gospel, klassihkalaš, sámi musihkka ja rock).  

Don it dárbbaš leahkit hárjánan lávlu searvat dása, muhto dus ferte leahkit hállu bargat du lávlunjienain ja hárjehallat lávlut earáiguin fárus. 

Koarraoahpaheaddji lea Inger Johanne Oskal. Son lea lávlu ja musihkkár guhte lea guhká bargan Guovdageainnus ja Sámis. Son lea earret eará ovdal jođihan koaraid. Son lea lávlu Ánnasuolu nammasaš joavkkus ja lea maiddái lágideaddji Lounge Sápmi livekonseaptas, mii lea lágidan lagaskonsearttaid Guovdageainnus 2019 rájes. 

Oahpahangiella lea sihke sámegiella ja dárogiella. 

Bures boahtin koarahárjehallamiidda gos lea buorre energiija, searvevuođadovdu ja lávlunmokta!