Dáppe sáhtát
- Álgit dehe joatkit goarrunprošeavttaiguin
- Oahpat goarruntriksaid ja oažžut veahki jus leat darvánan
- Divvut biktasiid dehe diŋggaid mat leat ráiganan
- Viežžat inspirašuvnna earáin
- Šlaggat gáfe, deaja dehe kakao ja šurrat earáiguin hutkkás ja liekkus birrasis

Don it dárbbaš leahkit goarrunekspearta atnit dán lanja – jus háliidat oahpat, de lea goarrunlatnja buorre vuosttaš lávki oahpásnuvvát goarrunmašiinnaiguin!

Studio Duojis boahtá leahkit bagadallii gii sáhttá veahkehit jus dus leat gažaldagat goarruma birra, dehe jus leat darvanan ja dárbbašat kickejuvvot gáŋgii.

Goarrunlanjas leat 8 goarrunmašiinna (2 Bernina B325, 6 Bernina Bernette Sew&Go 8) ja 2 overlockmašiinna (Bernina Bernette B44 Overlock). Lanjas gávnnat veahá duodjeávdnasiid maid Sávu ja Niita leat sponsen, muhto mii ávžžuhit ahte buvttat daid ávdnasiid maid dárbbašat.

GOS:
Kulturviesus (latnja 122, sisabeassan gurut soaji uvssa bokte go čuoččut Kulturviesu olggobealde)
GOAS:
Nuorat ja nuorra rávisolbmot: Duorastagaid 17:00-19:00
Gaskadásiahkásaččat: Gaskavahkuid 17:00-19:00
MÁKSÁ GO?
Ii mávsse. Dát fálaldat lea nuvttá.

Fálaldat lea ovttasbargu Guovdageainnu suohkana Kulturovttadaga, Dearvvašvuođá ja fuolahusovttadaga, Guovdageainnu girku Diakoniijabálvalusa ja Duodjesearvvi gaska ja lea fálaldat biddjon ovttas Oadjebas Guovdageainnu joavkkuin. 

Fálaldat čuovvu skuvlaruvttu.