Nuoraidsiida lea nuoraid iežaset deaivvadanbáiki gos nuorat ieža mearridit. Nuoraidsiidda gávnnat Guovdageainnu Kulturviesu gealláris. Nuoraidsiidda uvssa gávnnat go vuoját Kulturviesu duogabeallái.
Almmuhuvvon 08.06.2026 16.39
Maŋemusat rievdaduvvon 08.06.2026 17.04
Nuoraidsiida lea báiki gos nuorat besset ieža mearridit mii dáhpáhuvvá. Go Nuoraidsiida lea rabas, de lea vejolašvuohta heŋŋet olbmaiguin oadjebas birrasis mii lea heivehuvvon nuoraide.
Nuoraidsiiddas lea vejolašvuohta speallat PS5 dehe Nintendo Switch 2, breahttaspealuid dehe shuffleboard. Kulturviesu vuosttaš gearddis gávnnat arkademašiinnaid ja biljardbeavddi. Mis lea vejolašvuohta lágidit konsearttaid, quizzaid ja eará doaimmaid, go mis leat maid jietnarusttegat.
Bures boahtin Nuoraidsiidii!
Nuoraidsiida FAQ:
Njuolggádusat
- Jus billistat juoidá Nuoraidsiiddas de fertet oastit sadjái.
- Nuoraidsiidda diŋggat gullet buohkaide, ja buot diŋggat galget adnot várrogasat.
- Mii eat dohkket gárrenmirkkuid!
- Jus juoga suoláduvvo, de mii dieđihit politiijai.
- Buohkat čorgejit iežaset maŋis.
- Olggušteapmi ja givssideapmi ii leat dohkálaš.
Jus it čuovo njuolggadusaid, de mii bálkestit du olggos ja/dehe riŋget ruoktot. Dan dieđusge eat háliit!
Geaidda lea rabas?
Nuoraidsiida lea rabas dunnje gii váccát 8 luohkás gitta 18 jagi boaris.
Lea go doppe biebmu?
Mii muhtomin šlivgestit pizzaid ommanii dehe vuoššat nuddeliid.
Mat dis leat dieppe?
Mis lea PS5, Nintendo Switch 2 mas guhta kontrollera, breahttaspealut, guokte JBL PartyBox skájanasa ja jietnarusttegat.
Lea go Sámi Gamers oassi Nuoraidsiiddas?
Ii leat, muhto mii ovttasbargat ollu Sámi Gamersin. Sii dollet eanas rabas vahkkoloahpaid.
Háliidat go lágidit juoidá Nuoraidsiiddas? Čális midjiide!