Nuoraidkoordináhtor lea Anthoni Hætta ja nuoraidbargi lea Ánna-Katri Helander. Sihke nuoraidkoordináhtora ja nuoraidbargi kantuvra lea Kulturviesus. 

Anthoni Hætta lea musihkkár ja buvttadeaddji gii lea guhká bargan kultursuorggis iešguđet hámiin - sihke lávdedáiddárin, lágideaddjin ja nuoraidbargin. Son lea vuođđudeaddji Davvi Division kulturstudios ovttas Ánna-Katri Helanderin ja maiddái doaimmaha Lounge Sápmi livekonseapta. Son lea leamaš mielde buvttadeame Sámi Beassášfestivála mánáid ja nuoraidprográmma daid maŋŋemus jagiid. 

__________________________________
 

Ánna-Katri Helander lea dánsár ja koreográfa gii lea guhká bargan kultursuorggis iešguđet doaimmain, sihke lávdedáiddárin, lágideaddjin ja nuoraidbargin. Son lea olu ovttasbargan ovddeš nuoraidkoordináhtoriguin ja lei earret eará mielde lágideame nuoraidprográmma Beassášfestivála ovddas 2018:is dalá nuoraidkoordináhtorin.  Son lea vuođđudeaddji Davvi Division kulturstudios ovttas Anthoni Hættain ja maiddái doaimmaha Lounge Sápmi livekonseapta. Maŋemus jagiid lea leamaš mielde buvttadeame Beassášfestivála mánáid- ja nuoraidprográmma.