Kors på halsen lea Røde Korsa davvisámegielat ságastallanfálaldat gos mánát ja nuorat ožžot vejolašvuođa hupmat iežaset jurdagiid ja dovdduid birra sámegillii. 

Telefonlinnjá lea rabas juohke nuppi gaskavahkku gaskal dii. 18:00-21:00 dán nummáris: 800 333 21. De oaččut vástádusa Rukses Ruossa eaktodáhtolaččas, gii lea ožžon buori oahpu hupmat mánáiguin ja nuoraiguin. 

Kors på halsen deháleamos bargu lea áimmahuššat du namahisvuođa. Sii eai oainne gii don leat, ja eaige dieđe eambbo du birra go dan maid ieš válljet muitalit. Eaktodáhtolaččain lea jávohisvuođageasku, mii mearkkaša ahte sis ii leat lohpi juogadit dieđuid du birra dahje dan birra maid don humat earáiguin. Loga eambbo Kors på halsen namahisvuođa ja jávohisvuođageaskku birra.

Seammá nummárin sáhtát váldit oktavuođa dárogillii. Rabasáiggit leat buot árgabeaivvit 14:00-22:00.  

Eamppo dieđuid gávnnat Kors på halsena neahttasiiddus.