Bálvalusas váldit mávssu vrd. našunála njuolggadusaid iežasoasi láhkaásahusa mielde.

Ohcat ruovttuveahki

Ruovttuveahki/geavatlaš veahki ozat ja sáddet suohkana dearvvašvuođa ja fuolahusa ovttadahkii. Lea maiddái vejolaš oažžut čujuhusa buohcciviesus, buohcciseaŋgadivššus ja doavtterbálvalusas.

Johtti viessohoaiddárbálvalus:

Viessohoaiddár addá geavatlaš veahki su ruovttus gii ieš ii nagot fuolahit iežas, dahje dasa gii duođas dárbbaša geavatlaš dahje persovnnalaš veahki ja doarjaga nagodit beaivválaš doaimmaid. Vieassohoaiddár addá fálaldaga oahpahit movt bargat praktihkalaš doaimmaid ruovttus. Buktá ja viežžá veahkkeneavvuid, ja sus lea ovddasvástádus áimmahuššat daid.

Ohcan

Ohcan oažžut viessohoaiddára/geavatlaš veahki sáddejuvvo suohkana dearvvašvuođa ja fuolahusa ovttadahkii. Lea maiddái vejolaš oažžut čujuhusa ruovttubuohccedivššus ja doaktáris.

Dorvoalárbma

Dorvoalárbma ii leat láhkageatnegahtton bálvalus, muhto sáhttá aŋkke addot muhtin oktavuođain. Dorvoalármma ohcama sáddet suohkana dearvvašvuođa- ja fuolahusovttadahkkii.  loga dás eambbo dán birra.

Gulahallat

Bargoáigi lea dii.  08:00 – 15:30. 
Ruovttuveahki telefonnummár lea 988 97 066 ja 454 17 886. 
Bálvalusa kantuvrrat leat ássankollektiivva vuolit gearddis, čujuhus lea Jokŋaluodda 2 
(duogábealde dearvvašvuođaguovddáža)