Ruovttubuohccedikšu

Ruovttubuohccedikšu sáhttá fuolahit hástaleaddji ja mánggabealat geavaheaddjedárbbuid fástadoaktara ja buohcceviesu nanu fágalaš doarjagiin. Ruovttubuohccedivššu bargguid doaimmahit bargit geain lea gelbbolašvuohta dearvvašvuođasuorggis. Ruovttubuohccedikšu eastada, dikšu ja láhčá dili birget fysalaš ja psykalaš buozanvuođain, váttuiguin, vigiin ja hedjonan doaibmagálggaguin. 

Bálvalus lea nuvttá.

Jearaldagat bálvalusa birra

Váldde oktavuođa jođiheaddjiin May Britt Antonsen, tlf. 928 18 001, jus leat jearaldagaid bálvalusa birra.

Ohcat oažžut ruovttubuohccedivššu

Ruovttubuohccedivššu ohcama sáddet suohkana dearvvašvuođa ja fuolahusa ovttadahkii. Lea maiddái vejolaš oažžut čujuhusa buohcceviesus, buhcciidruovttus ja doavtterbálvalusas, dahje riŋget áššemeannudeaddjai Lisa Márja Skumai tlf nr 413 31 207.

Gulahallat ruovttubuohccedivššuin

Ruovttubuohccedivššu telefonnummár: 913 28 615,  vástidit gaskal dii. 08:00 ja 22:30.

Bálvalusa kantuvrrat leat Allaeanan ássankollektiivva vuolit gearddis, čujuhus lea Jokŋaluodda 2, 9520 Guovdageaidnu

Idjapatrulja:

Addá bearráigeahču ihkku bálvalusgeavaheddjiide iežaset ruovttuin, ássankollektiivvas ja fuolahusviesuin. 

Dán bálvalusii sáddet ohcama dearvvašvuođa ja fuolahusa ovttadahkii.  Lea maiddai vejolaš čujuhuvvot buohcceviesus, buohcciseaŋgadivššus, ruovttubuohccedivššus ja doaktára bokte.