Psykalaš váttut, moraš dahje oktonasvuohta

Leat aktonas mearkkaša dávjá ahte váillaha sosiála oktavuođa, muhto ollugat dovdet aktonasvuođa maiddái ovttas earáiguin, dahje go ii sáhte leat nu go ieš háliida fárrolaga iežas lagamuččaiguin. Olmmoš sáhttá dovdat aktonasvuođa vaikko lea earáiguin fárrolaga, jus dovdá ahte sii eai ipmir su.

Diŋgo diimmu

Diŋgo diimmu, sádde sms.a dán nummarii   413 49 968
Čális nama ja agi, ja de oaččut fálaldaga rivttes joavkkus.

Doavttir, dearvvašvuođadivššár, mánáidsuodjalus, PPT, skuvla, NAV ja eará bálvalusat suohkanis geaiguin dus lea oktavuohta suohkanis, sáhttet maiddái čujuhit du psykálaš dearvvašvuođabálvalussii. 

Sáhtát váldde oktavuođa psykalaš dearvvašvuođabálvalusain go lea váttis eallindilli

Sáhtát váldit oktavuođa psyhkalaš dearvvašvuođabálvalusain jus dus lea váttis eallindilli, dárbbašat doarjjaságastallama dahje bagadallama man nu dihte, kártet váttisvuođaid ja viidásit čujuheami, ja iešguđet veahkkedoaimmaid álggaheapmai. Sáhttá váldit oktavuođa iešguđetlágan váttisvuođaid dihte, nu go ovdamearkka dihte ovttastallanváttisvuođat bearraša siskkobealde, garra ballu, lossa miella, trauma bearrašis, bearrašis leat ollu riiddut ja dikkit,váttisvuođat gaskkal mánáid ja váhnemiid, morrašat, veahkaválddálašvuohta ja illasteapmi (oažžu dahje ieš dahká dan), láhttenváttisvuođat mánáin, givssideapmi, váttisvuođat skuvllas,  jus ii loavtte skuvllas dahje barggus, givssideapmi dahje dovdá olgguštuvvon skuvllas dahje barggus, gárrenávnnasváttisvuođat, oktonasvuohta.    

Mis lea kantuvra dearvvašvuođaguovddážis.

Jus dárbbašat heahteveahki, riŋge doaktárii 116 117 dahje 113.