Helsenorge.no bokte sáhtát váldit oktavuođa minguin go dutnje heive. Go sáddet dieđu midjiide Helsenorge.no bokte, de dearvvašvuođastašuvdna bálvalus vástida golmma beaivve sisa. Jorttamovra vástida fásta kánturbeivviid, disdagaid ja gaskkavahkuid.
Makkár ovdamuniid addá dát dutnje?
• Dutnje ássin mearkkaša dat ahte don sáhtát sáddet midjiide digitála dieđuid ovdamearkka dihte praktihkalaš gažaldagaid birra, bagadallandárbbu birra dahje sávaldaga birra rievddit diimmu.
• Don oainnát iežat ja mánáid diibmošiehtadusaid, guđe mánás lea diibmu ja oaidnit boahkuhanlistu.
• Dieđut ja reivet maid lonohalat vurkejuvvojit. Dáinna lágiin lea álki čuovvut mielde.
• Go šiehtadusa dagat Helsenorge.no:s, de oaččut dieđu SMS bokte. Kaleandaris gávnnat dieđuid iežat ja mánáid šiehtadusaid ektui.birra.
Leat go addán lobi digitála gulahallamii Helsenorge bokte?
Go háliidat šaddat digitálalaččat aktiivan, de fertet geavahit Helsenorge.no juogo neahttasiiddu dahje appa ja dan bokte vieččat App Stores dahje Google Playas.
Háliidat go atnit Helsenorge.no mánáid ovddas, de logget álggos ieš sisa. Dasto válljet gean ovddas háliidat oaidnit dieđuid dahje doaimmahit bálvalusaid. Dáppe gávnnat eanet dieđuid:
Fullmakt til å bruke Helsenorge på vegne av andre - Helsenorge
Váhnemiin ferte dán definišuvnna mielde leat váhnenovddasvástádus, dat mearkkaša dan ahte biebmováhnemat eai beasa logget sisa biebmománáid ektui.
Man guhká oainnán mánáid dearvvašvuođadieđuid?
Helsenorge.no bokte sáhtát don ovddastit máná geas dus lea váhnenovddasvástádus, ja oaidnit su dearvvašvuođadieđuid. Dán sáhttá dahkat ollásit dassážii go mánná lea deavdán 12 jagi. Dan maŋŋá sáhtát ain oaidnit diibmošiehtadusaid máná ovddas, muhto it sáhte šat sáddet dieđuid sin ovddas.
Go mánná lea deavdán 16 jagi lea dearvvasvuođarievttálaččat válddálaš. Dat mearkkaša ahte vánhen ii šat beasa oaidnit nuora birra dieđuid eambbo jus oažžu lobi dasa.
Nuorat gaskal 13-16 sáhttet ieža ásahit geavaheaddji Helsenorges váhnemiid/ váhnen lobi mielde. Eanet dieđuid gávnnat das: Ungdomstilgang - Helsenorge