Buhcciidruovttus leat oktiibuot 14 eaŋkillanja ja 6 duppallanja. Leat guhkesáiggesajit, intermediærsajit ja buohcciseaŋgasajit. 

Guhkesáiggesaji ohcan

Ohcanskovi guhkesáiggesadjái vieččat buhcciidruovttus. Váldde oktavuođa Dearvvašvuođa- ja fuolahusovttadagain.

Skovi sáddet boasta mielde Dearvvašvuođa- ja fuolahusovttadahki, Sarritluodda 2, 9520 Guovdageaidnu. 

Guhkesáiggesajit juolluduvvojit sierra láhkaásahusa vuođul, "Forskrift om tildeling av langtidsopphold i sykehjem i Kautokeino kommune", mearriduvvon suohkanstivrras 15.06.17.

Buohcciseaŋgasadji

Buohcciseaŋgasaji ja suohkanlaš fáhkkabuohcci jándorsaji doaimmaha doavttir ja leat várrejuvvon pasieanttaide geat dárbbašit beaivválaš doavttirbearráigeahču ja medisiinalaš divššu.

Intermediærsadji

Intermediærsadji lea oanehisáiggeorrun man suohkan fállá sidjiide geain lea dárbu medisiinnalaš dálkkodeami ja/dahje divššu mii gáibida birrajándora divššu ja fuolahusa institušuvnnas, nu go omd.  buozalmasvuođa, kárten ja/dahje návccaidahttima dihte.

Sáhttá ieš válljet áigu go geavahit intermediærsadje fáláldaga. Jus vállje vuostáiváldit dan saji, de ferte deavdit ja vuolláičállit ovtta skovi mas giitá intermediærsaji ovddas. 

Das lea iežasoassemáksu 175,- r jándoris.

Borraáiggit:

Iđitbiebmu        dii  09.00
Beaivebiebmu  dii 12.30
Mállásat            dii 16.00
Eahketbiebmu  dii 19.30