Plána- ja huksenlága mielde galget suohkanat mearridit plánastrategiija unnimusat oktii juohke válgaáigodagas. Guovdageainnu plánastrategiija 2024-2027, maid suohkanstivra mearridii juovlamánu 19.b. 2024:s, bidjá ollislaš rámmaid suohkana ovdáneapmái boahttevaš jagiin.

Plánastrategiija váldovuoruheamit:

Sámi giella ja kultuvra - Sámegiela ja identitehta nannema suohkana plánain.

• Ceavzilvuohta ja dálkkádat - Doaibmabijut mat galget dustet dálkkádatrievdamiid ja sihkkarastit birasseasti ovdáneami.
• Ealáhusovddideapmi - Doarjja báikkálaš ealáhusaide, mátkeealáhusaide ja árbevirolaš sámi ealáhusaide.
• Servodatsihkkarvuohta ja gearggusvuohta - Gearggusvuođaplánaid ođasmahttin eanet oadjebasvuođa dihte.
• Álbmotdearvvašvuohta ja bajásšaddan - Ođđa bajásšaddanplána ja doaibmabijut buoret álbmotdearvvašvuhtii.

Strategiija mearrida makkár plánat galget ođasmahttojuvvot dahje jotkojuvvot. Earret eará ođasmahttojuvvo suohkanplána servodatoassi 2025:s, ja ráhkaduvvo ođđa dearvvašvuođa- ja fuolahusplána.

Guovdageainnu suohkanstivra lea mearridan Guovdageainnu suohkana plánastrategiija 2024-2027 (PDF, 861 kB)

Suohkanstivrra meannudeapmi ja mearrádus (PDF, 117 kB)