NUORAT - Geassebargu nuoraide
Guovdageainnu suohkan almmuha geassebarggu nuoraide gaskkal 16 ja 19 jagi. Doaibma guoská vuosttažettiin nuoraide geat leat oahpu váldimin.
Ohcamis ferte leat namma, adreassa, riegádandáhton, e-boastaadreassa ja telefovdnanummár. Dieđut oahpu, bargovásáhusaid ja beroštumiid birra lea ovdamunni. Čále makkár suorgi dahje makkár bargu dutnje heivešii, ja makkár áigodaga háliidat bargat.
Jus leat olu ohccit, juhkkojuvvojit bargosajit vuorbegeassima bokte.
Ohcanskovvi geassebargui (PDF, 124 kB)
Raba, deavdde, vurke ja sádde suohkana váldočujuhussii:
e-post@kautokeino.kommune.no)
Dahje deavdde dán elektrovnnalaš skovi: Ohcan geassebarggu
FITNODAGAT - Dárbbašehpet go geassebargi?
Guovdageainnu suohkan almmuha geassebargguid nuoraide gaskal 16 ja 19 jagi. Dan oktavuođas sáhttet nuorat barggu oažžut ja fitnodagat ožžot dasa bálkádoarjaga.
Bálkádoarjja lea 8 000,- ruvnno rádjái (gitta 50% bálkágoluin) ja čadno nammaduvvon nuora bálkáheapmái. Ii sáhte doarjaga iežas mánáide oažžut. Lea suohkan mii juohká nuoraide fitnodagaid.
Namuhuvvo ahte jus fitnodagas / bargoaddis lea nuorra gean háliida bargui, de sáhttá ohcamii čállit su nama. Fuomášupmin lea ahte jus dat namuhuvvvon nuorra ii gesso ja fitnodat/bargoaddi ii váldde dan nuora gean suohkan lea juohkán fitnodahkii/ bargoaddái, de ii oaččo fitnodat/bargoaddi fállojuvvot eará nuora bargui.
Bálkádoarjja máksu
Ovdal go fitnodat / bargoaddi oažžu bálkádoarjaga máksot, ferte suohkan oažžut čuovvovaš dieđuid:
- Bargošiehtadus
- Guite bálkádoarjaga mávssus dahje báŋkobilága mii čájeha ahte geassebargi lea ožžon máksot bálkká
Lea go dát miellagiddevaš du fitnodahkii? Čáles oanehis ohcamuša, mas boahtá ovdan makkár barggut dus leat ja áigodaga goas dárbbašat veahki. Jus bargi dárbbaša sierralágan bargohárjáneami, namut dan maiddai.
Ohcanskovvi
Ohcanskovvi bálkádoarjagii (PDF, 372 kB)
Raba, deavdde, vurke ja sádde suohkana váldočujuhussii:
e-post@kautokeino.kommune.no)
Dahje deavdde dán elektrovnnalaš skovi: Ohcan bálkádoarjaga - geassebargi
Ohcanáigemearri lea miessemánu 20.beaivve 2024