Guhkiduvvon ohcanáigemearri ohcat doarjaga buhtadanortnegis báikkálaš fitnodagaide

Guovdageainnu fitnodagain lea fas vejolašvuohta ohcat doarjaga buhtadusortnegis mii lea sidjiide geat leat gillán našuvnnalaš ja báikkálaš njoammunsuodjalusdoaibmabijuid geažil. Mii ávžžuhit earenoamážit daid fitnodagaid geat ovdal eai leat ožžon doarjaga dan ortnega bokte ohcat.

Almmuhuvvon 07.04.2022 18.07

Maŋemusat rievdaduvvon 07.04.2022 18.23

Doarjja galgá doaibmat ventiilaortnegiin fitnodagaide mat lea gáhččan áibbas dahje belohahkii olggobeallái stáda ja suohkana iežas buhtadusortnegiid. Dát galgá buhtadit báikkálaš fitnodagaid goluid dahje táhpaid mat bohtet njoammunsuodjalusdoaibmabijuid dahje giddema geažil. Dás leat earenoamážit namuhuvvon mátkeealáhus, doallo- ja guossohanealáhusat, ja eará fitnodagat mat iešguđetlágan sivaid dihte gáhččet olggobeallái buhtadanortnegiid, omd. gründarat ja eará aittoálggaheaddjit.

Buhtadanortnega njuolggadusaid gávnnat dáppe. Mii bivdit ahte logat njuolggadusaid dárkilit ovdal go sáddet ohcama.

Guovdageainnu suohkanii lea dán liigejuolludeamis boahtán ru 386 000,-. Fitnodagat sáddejit ohcama regionalforvaltning.no siiddu bokte. Njuolggoliŋkka regionforvaltninga siidui gávnnat dáppe.

Ođđa ohcanáigemearri lea 18.05.2022. Suohkan galgá juolludan dáid ruđaid ovdal 30.06.2022.

Ášši lei suohkanstivrras meannudeapmai 08.04.2021, áššečilgehusa sáhttá dáppe lohkat.

Dáppe gávnnat ášši birra ráđđehusa siidduin. Ja dá lea juolludanreive stádas (PDF, 831 kB).

Jus leat jearaldagat de sáhtát váldit oktavuođa ovdanihttinjođiheaddjin Nils Runar Hættain.

e-boasta bokte: nrh@kautokeino.kommune.no dahje mob.: 90 98 03 77.