Finnmárkkuopmodat lágida rabas álbmotčoahkkima rievssatbivddu ja bivdogeahččaleami birra Finnmárkkus. Guovdageainnus lágiduvvo čoahkkin gaskavahkku cuoŋománu 29. beaivve dii. 18:00 LES-viesus.
FeFo ja COAT dutkit ovdanbuktet bivdogeahččaleami duogáža ja muitalit makkár váikkuhusat das sáhttet leat rievssatbivdui.
Geahččaleapmi guoská máŋgga bivdoguovllu Finnmárkkus, earret eará Guovdageainnus, ja ulbmilin lea oažžut eanet dieđuid das movt bivdu váikkuha rievssatpopulašuvnnaide. Dát galgá addit buori vuođu boahttevaš, bistevaš hálddašeapmái.
Buot berošteddjiide leat bures boahtin čoahkkimii. Dát lea buorre vejolašvuohta oažžut dieđuid, jearrat jearaldagaid ja addit iežat oainnuid rievssatbivddu hálddašeapmái dáppe min guovllus.
Don sáhtát lohkat eambbo čoahkkima birra FeFo neahttasiidduin