Denne artikkelen er over 1 år gammel og kan inneholde utdatert informasjon
Rufebálvalusa lágidaneavttut
Oktasaš mihttu: Sihke don, guhte leat doalli (abonneanta), ja Guovdageainnu suohkan, gii fas lágida rufebálvalusa, háliideahppi dan seamma: Buoremus bálvalus nu hálbin go vejolaš. Jus dát galgá leat vejolaš de ferteba guktot bealit čuvvot vissis njuolggadusaid.
Dás čilgejuvvo ja ovdanbukto gustojeaddji njuolggadusat ja mii galgá dahkkot, go doalli oaivvilda ahte bálvalus ii leat nu mot galggašii leat.
Almmuhuvvon 29.08.2018 17.30
Maŋemusat rievdaduvvon 16.05.2024 10.17
Suohkana geatnegasvuođat
1. Rufečázi ráidnet ja jođihit eret
- Liigečáhci (kloáhkkačáhci) galgá čađat ráidnejuvvot ja jođihuvvot eret, 24 diimmu jándoris, vai almmolaš rusttegis ii šatta hádja dahje ráinnas váttisvuođat.
- Dábálaš doaibmadilis ii galgga čáhcejođiheapmi dagahit badješávaluoitima báikkálaš čázádahkii.
- Suohkan galgá doaimmahit, áimmahuššat, buoridit ja ođasmahttit ruferusttegiid ollašuhttin dihte sihke gustovaš lágaid, láhkanjuolggadusaid ja konsešuvnnaid, ja galgá doallat ja ollašuhttit suohkana mihtuid čázi- ja čáhcádatkvalitehta ektui.
- Jus čuožžilit doaibmaváttisvuođat almmolaš fierpmádagas ja/dahje installašuvnnain, de galgá suohkan nu jođánit go vejolaš čoavdit váttisvuođaid go diehtá vejolaš bártti birra.
2. Muitalit, dieđihit ja oktavuođa doallat abonneanttaiguin
- Fáhkka luoitin čáhcái ja čázádahkii, mas abonneanttaide sáhttá leat mearkkašupmi, dieđihuvvo nu jođánit go vejolaš.
- Suohkan almmuha jahkásaččat hadderievdadusaid ja/dahje buvttademiid birra, annonssaid bokte báikkálašaviissain ja www.kautokeino.kommune.no siiddus, ovdal go vuosttaš fakturá sáddejuvvo.
- Ođđa abonnemeanttaide sáddejuvvo láhkanjuolggadus čáhce- ja rufedivadiid birra, gustovaš hattit, dát dokumeanta ja eará dieđut suohkana rufebálvalusaid birra.
- Abonneanttaid oktavuođaváldimat (sihke čálalaččat ja njálmmálaččat) doaibmabárttiide birra, vástiduvvojit nu jođánit go vejolaš ja maŋimus 3 vahkku maŋŋil go suohkan lea vuostáiváldán dieđu.
Abonneantta geatnegasvuođat
Abonneantta geatnegasvuođat, mat leat mearriduvvon čáhce- ja rufedivat láhkanjuolggadusas ja gullevaš mearrádusain, mearkkaša ahte abonneanta erenoamážit galgá:
- Rufedivada máksit fakturá vuođul.
- Sihkkarastit ahte priváhta revrret leat biddjon suohkana mearrádusaid vuođul.
- Iežat rusttega doallat ortnegis suohkana mearrádusaid vuođul (buhtisvuođarusttet, revrriid ja oktasaš priváhta jođasneahtta ja maiddái laktima suohkana váldojohtasii).
- Farggamusat ohcat ja buoridit suođu iežat, priváhta rusttegis, addon áigemearrái.
- Koble ut gammel slamavskiller der kommunen krever det.
- Ii goassige leiket hivssegii kjemikálaid, oljjuid, luovosdiŋggaid jnv. dahje diŋggaid go lihpariid, vuovttaid, Q-tipsaid, buhtisvuođalimskuid, ja sullasaš diŋggaid.
- Doppe gos lea dovddus dulvevárra, doppe ferte opmodaga sihkkarastit dulvvi vuostá ja installeret automáhtalaš njielahaga (báhcahanventiillain).
- Ale váldde gievkkandoapparfeartna atnui.
- Suohkanii dieđit jus leat hehttehusat/stáđismeahttunvuođat ruferusttegis.
- Muđui čuovvolit suohkana čujuhusaid ja dieđuid.
Hattit ja máksineavttut
Čáhcedoaimmahaga čáhce- ja rufediva hattit leat mearriduvvon suohkana láhkanjuolggadusa vuođul, ja gokčá ollislaččat suohkana čáhcelágideami olggosgoluid. Suohkanstivrra mearrida jahkásaččat divat sturrodaga ja dat boahtá ovdán divatregulatiivvas.
Jahkediva juhkkojuvvo golmma termiidnii. Jus čáhcegollan stipulerejuvvo areála mielde, de máksá abonneanta seamma hatti golmma geardde jagis. Jus abonneanttas lea čáhcemihttár, de mákso gollandiva álggos vuos à konto submin, mii dasto fas rehkenastojuvvo vuosttaš termiinnas nuppi jagis.
Jáhkkimis lea rufečáhcehivvodat seamma olu go čáhcegeavaheapmi. Maŋŋonan máksimii bohtet reanttut Lov om renter ved forsinket betaling vuođul.
Moaitta ja buhtadus
Abonneanta sáhttá váidaga sáddet suohkanii, jus oaivvilda ahte leat váilevašvuođat rufebálvalusas dan ektui mii ovdalis lea čállojuvvon. Maŋŋil go váilevašvuođa fuobmá, de sáddet váidaga nu jođánit go vejolaš. Suohkan iská dilálašvuođa nu jođánit go vejolaš, árvvoštallá ollislaččat ášši. Beroškeahttá das, de oažžu abonneantta ruovttoluottadieđu 3 vahku sisa. Abonneanta sáhttá oktavuođa váldit dáhkádusfitnodagain, suohkaniin dahje geavaheaddjikantuvrrain čielggadan dihte vuoigatvuođaid haddevuoládusas ja buhtadusas.
Áigeguovdileamos lágat ja láhkanjuolggadusat