1. Juhkančázi lágidit biebmoávdnasin

čáhcekvalitehta

Juhkančáhci galgá, earret almmolaš čáhcejođasis, ollašuhttit juhkančáhceláhkanjuolggadus gáibádusaid.

Deaddu

Dábálaš doaimmahatdilálašvuođas galgá čáhcedeaddu laktása bokte leat gaskal 2 ja 9 bar almmolaš johtasis. (Deaddu badjel 6 bar sáhttá billistit installašuvnna viesus, geahča Abonnemeantta geatnegasvuođaid).

Lágidansihkarvuohta

Suohkan galgá lágidit abonneanttaide doarvái juhkančázi. Abonneanttat galget čázi oažžut 24 diimmu jándoris. Sáhttet deaividit dilit go čáhci oanehis áigái botkejuvvo. Dákkár dáhpáhusain gusto čuovvovaččat: 

• Ii oktage čáhcebotken galgga bistit guhkit go 48 diimmu.
• Vuorddekeahtes čáhcebotken, omd. čáhcejođas lea boatkanan, de galgá suohkan oažžut čázi doaibmat nu johtilit go vejolaš.
• Jus čáhci lea jávkosis guhkit go 24 diimmu, de galget abonneanttat sáhttit viessoatnui viežžat čázi čáhcetáŋkkain mat leat biddjon guovddáš báikkiide guovlluin.
• Jus maŋimus jagi lea seamma čáhcejođáhat gaskkas leamašan eambbo go 5 čáhcebotkema, de galgá suohkan árvvoštallat divodit ja ođastit čáhcejođáhat gaskka.
• Jođáhatboatkaneami dahje stuorra buollima geažil sáhttá suohkan dieđikeahttá bissehit čázi.

2. Muitalit, dieđihit ja oktavuođa doallat abonneanttaiguin  

• Suohkan galgá dieđihit buot plánejuvvon čáhcebissehemiid (omd. divodeami) dahje duohtadeamimii mielddisbuktá heittot čáhcekvalitehta (omd. čáhcejođáhatfierpmádaga ráidnen).
• Suohkan galgá dieđihit plánejuvvon čáhcebisseheami abonneanttaide unnimus 3 beaivi ovdal.  Dieđiheapmi annonserejuvvo báikkálašáviissain ja báikkálašrádios, ja maiddái www.kautokeino.kommune.no
• Suohkan galgá dakkaviđe dieđihit abonneanttaide go fuomášit nuoskkiduvvon čázi mii váikkuha juhkančáhcái nu sakka ahte čáhci ii leat šat dohkálaš ráinnas.
• Suohkan almmuha jahkásaččat hadderievdadusaid ja/dahje buvttademiid birra annonssaid bokte báikkálašaviissain ja www.kautokeino.kommune.no siiddus, ovdal go vuosttaš fakturá sáddejuvvo.
• Suohkan muitala olbmuide čáhcekvalitehta birra go jerret.
• Ođđa abonnemeanttaide sáddejuvvo láhkanjuolggadus čáhce- ja rufedivadiid birra, gustovaš hattit, dát dokumeantta ja eará dieđut suohkana čáhcelágideami birra.
• Abonneanttaid oktavuođaváldimat (sihke čálalaččat ja njálmmálaččat) mat gustojit doaibmabárttiide vástiduvvojit nu jođánit go vejolaš ja maŋimustá 3 vahkku maŋŋil go suohkan lea dieđu vuostáiváldán.

Abonneantta geatnegasvuođat, mat leat mearriduvvon čáhce- ja rufedivat láhkanjuolggadusas ja gullevaš mearrádusain, mearkkaša ahte abonneanta erenoamážit galgá:

• Čáhcedivada máksit fakturá vuođul.
• Sihkkarastit ahte priváhta čáhcerevrret leat biddjon suohkana mearrádusaid vuođul.
• Sihkkarastit ahte installašuvnnat viesus (viessoapparáhtat ja buhtistanvuođarusttet) leat dimenšonerejuvvon ja válljejuvvon čáhcekvalitehta, doaibmadeattu ja deaddovariašuvnna vuođul suohkana čáhcerevrriide. Jus lea varra ahte deaddu lea eambbo go 6 bar:a, de fertet geahpádusventiillain sihkkarastit installašuvnnaid mat leat viesus.
• Jus abonneanta jođiha doaimmahaga mii gáibida erenoamáš gáibádusaid juhkančáhcái, de lea abonneanttas alddis ovddasvástádus oažžut dieđuid čáhcekvalitehta birra, jođihansihkarvuođa birra jnv.  ja vejolaččat tevdnehit dárbbašlaš dáhkádusaid.
• Suohkana mearrádusaid vuođul doallat ortnegis iežat priváhta rusttega (buhtistanrusttet, rávdnjefievrrideaddji, oktasaš priváhta jođasneahta ja maiddái suohkana váldobohccái (hovedledning) laktimiid. 
• Farggamusat ohcat ja buoridit suođu iežat, priváhta rusttegis, vejolaš addon áigemearrái.
• Diehtit gos lea geahpádusventiila/sihkarvuođaventiila ja olggobealde čáhcebissehan krána.
• Láhčit nu ahte suohkan sáhttá dárbbu mielde čađahit bearráigeahču installašuvnnain.
• Abonneanttat, geain lea čáhcemihttár, galget lohkat čáhcemihttára ja dieđihit áigemearrái, ja čuovvut eará eavttuid čáhcemihttára Mearrádusain.
• Suohkanii dieđihit stáđismeahttuvuođa čáhceboađus.
• Muđui čuovvolit suohkana čujuhemiid ja dieđuid.

• Čáhci almmolaš fierpmádagas sáhttá geavahuvvot dollačáskadeapmái ja eará heahtedili oktavuhtii doppe gos čáhcefierpmádat lea dimenšonerejuvvon  ja ráhkaduvvon dása. 
• Dábálaš doaibmaoktavuođain sáhttá juhkančáhci geavahuvvot bealdočáhccemii. Goikkádatáigge, dahje eará áigodagaid kapasitehtaváttisvuođain, sáhttá suohkan gaskaboddosaččat gieldit bealdočáhccema. Dát dieđihuvvo ovdal ásaheami.
• Doppe gos lea kapasitehta, ja suohkaniin lea šihttojuvvon, sáhttá juhkančáhci geavahuvvot iežat cirggasrusttegii, eanadoalločáhccemii ja eará čáhccemiidda.

Čáhcedoaimmahaga čáhce- ja rufediva hattit leat mearriduvvon suohkana láhkanjuolggadusas vuođul, ja gokčá ollislaččat suohkana čáhcelágideami olggosgoluid. Suohkanstivrra mearrida jahkásaččat divat sturrodaga ja boahtá ovdán divatregulatiivvas. Jahkediva juhkkojuvvo golmma termiidnii. 

Jus čáhcegollan stipulerejuvvo areála mielde, de máksá abonneanta seamma hatti golmma geardde jagis. Jus abonneanttas lea čáhcemihttár, de mákso gollandiva álggos vuos à konto submin, mii dasto fas rehkenastojuvvo vuosttaš termiinnas nuppi jagis. Sihke abonneanta ja suohkan sáhttet gáibidit čáhcemihttára installeret. Abonneanta ruhtada sihke oastima ja installerema. 

Maŋŋonan máksimii bohtet reanttut  Lov om renter ved forsinket betaling  vuođul.

• Lov om kommunale vass- og kloakkavgifter (av 31. mai 1974)
• Lov om skadeerstatning (av 13. juni 1969)
• Kjøpsloven (av 13. mai 1988)
• Forskrift om vannforsyning og drikkevann (Drikkevannsforskriften) (av 4. desember 2001)
• Forskrift om kommunale vann- og avløpsgebyrer (av 10. januar 1995, sist endret 13. juli 2000)
• Forskrift om vann- og avløpsgebyrer i Kautokeino kommune