Lea go dus niehku oastit iežat viesu, muhto it oaččo loana dábálaš báŋkkus? Dahje dárbbašat go ođđasitruhtadit divrras loanaid vai sáhtát bisuhit iežat viesu?
Almmuhuvvon 15.01.2025 10.28
Maŋemusat rievdaduvvon 15.01.2025 10.49
Mii lea álggahanloatna?
Álggahanloatna lea viessoruhtadanfálaldat dutnje gii it oaččo loana dahje doarvái loana dábálaš báŋkkus.
Álggahanloana sáhtát oažžut viesu oastimii, huksemii, ođđasitruhtadeapmái, ođasteapmái dahje heiveheapmái.
Dus ii dárbbaš leat iešmáksu, muhto dus ferte leat doarvái dienas mainna nagodat gokčat loana ja muđui eará olggosgoluid.
Gii sáhttá oažžut álggahanloana?
Álggahanloatna sáhttá fátmmastit earret eará mánnaolbmuid, boarrásiid, olbmuid geain lea doaimmashehttehus, olbmuid geain lea vuollegis dienas ja váilu iešmáksu ja maiddái olbmuid geat vuosttaš geardde leat oastiime viesu.
Suohkan sáhttá maiddái juolludit álggahanloana jus ásodatdilálašvuohta hehtte vejolašvuođa doalahit bargodili dahje báikkálaš ealáhusaid ovdáneami.
Man olu álggahanloana sáhtát oažžut?
Suohkan sáhttá ollasitruhtadit viesuid álggahanloanain ohcciide geain ii leat iešmáksu. Jus oaččut viessoloana dábálaš báŋkkus, muhto dat ii leat doarvái viessohatti ektui, de sáhttá suohkan árvvoštallat addit álggahanloana dan oasi ovddas mii váilu.
Guovdageainnu álggahanloana njuolggadusat