Denne artikkelen er over 1 år gammel og kan inneholde utdatert informasjon
Oahpahusa jahkediimmut, čađaheapmi ja praktihkalaš dieđut
Mii fállat jahkediimmut fága ja diibmojuohkima mielde
Almmuhuvvon 16.07.2018 17.58
Maŋemusat rievdaduvvon 10.06.2024 11.07
Diehtojuohkin gáiddusoahpahusskuvlla ja ruovttuskuvlla gaskkas
- Skuvlaruktu
- Oahpahusa diibmoplána
- Oahpahusa jahkeplána
- Dieđut stuorát prošeavttaid birra ja daid áigerámmat
- Dieđut vejolaš plánejuvvon jávkama birra
- Dieđut oahpponeavvuid vai ruovttusuohkan farggamusat sáhttá daid oastit skuvlii
- Juogadit gulahallandieđuid gaskal oahppi, vánhemiid, skuvlla, gulahallanoahpaheaddji ja gáiddusoahpahusoahpaheaddji
- Dárbbu mielde sáhttet váhnemat váldit oktavuođa gáiddusoahpahusoahpaheddjiin ságastallat oahpahusa birra
Buozanvuohta, jávkan ja ruovttubarggut
Jus oahppi jávká ferte gáiddusoahpahusoahpaheaddjái addit dieđu. Jávkan merkejuvvu. Gáiddusoahpahusoahpaheaddjis galgá leat gulahallanolmmoš ohppiid skuvllas. Vahkkoplána sáddejuvvo skuvlii ja mii vuordit ahte váhnemat čuovvulit ruovttubargguid.
Neahttavuođđuduvvon oahpahus
Diibmoplána
Oahpahus lea mearriduvvon diibmoplánii, ja lea gaskal diibmu 08:30 – 14:30 mánnodagas duorastahkii. Ja bearjadaga gaskal diibmu 08:30-11:50. Gáiddusoahpahus addo suohkana mearriduvvon skuvlaruvtu mielde. Jahkediimmut bistet 60 minuhta.
Teams
Neahttavuođđuduvvon oahpahusas atnet oahpaheaddjit prográmma Teams.
- Buot oahppit/skuvllat fertejit ráhkadit geavaheaddji prográmmas
- Skuvla ferte ohcat sámegieloahpaheaddji nama mielde ja bidjat su oktavuođalistui
Oasit oahpahusas
- Njálmmálaš
- Čálalaš
- Lohkat
- Neahttasiiddut
- Dihtorspealut
- Sámi filmmat
Gáiddusoahpahusoahpaheaddji háliida ahte oahppis lea rávisolmmoš fárus go skuvlajahki álgá.
Makkár oahpponeavvut galget oahppis?
Go ohppiin lea neahttaoahpahus, de sis ferte leat:
- Čállingirji
- Bargogirji
- Lohkangirji
- Liántta ja ivnnit
- Sihkkungummi
- Girjjáš masa čállá sániid
Reaiddut oahpahussii:
- Dihtor, ii fal neahttabreahtta
- Buorit bealljebilttut
- Sáhpán. Mátkedihtorii galgá maiddai bidjat sáhpána
- Sámi boallobeavdi galgá bidjat doaibmat dihtoriidda. Dan sáhtát viežžat dáppe.
- Sámegiella boallobeavddis á-q, č-x, đ-‘, ŋ-¨, ŧ-y, š-w, ž-<
Hospiteren
Njeallje vahku juohke skuvlajagi fállojuvvo. Oahppi vállje vahku čakčajahkebeallái ja vahku giđđajahkebeallai. Hospiteren lea oassin ostojuvvon jahkkediimmuin.
Hospiterema organiseren
- Hospiterema plána sáddejuvvo gulahallanoahpaheaddjái ja oahppi váhnemiidda/ovddasteddjiide
- Hospiteren lea Máze skuvllas
- Oahppi čuovvu skuvlla organiserejuvvon doaimmaid skuvlaáiggis
- Mii fállat hospiterema lassin jahkkediimmuide. Dát fálaldat lea máid skuvla, váhnemat ja oahppit sáhttet válljet jus háliidit
- Ruovttuskuvla vállje ovttasráđiid váhnemiin/ohppiin jus oahppi háliida hospiteret. Ruovttusuohkan/skuvla mearrida, ja sis lea ovddasvástádus gokčat orruma, borrama ja mátkošteami hospiterema oktavuođas. Orruma sáhttá ordnet priváhta, campingsajis dahje nuvtta skuvllas
- Ruovttuskuvla goziha ahte oahppis lea dáhkádus hospiterema oktavuođas ja duođašta dan šiehtadusas