Mánnodaga čakčamánu 11. beavvi leat suohkanstivra- ja fylkkadiggeválggat.

Jus háliidat, de sáhtát jienastit ovdagihtii. Don sáhtát ovdagihtii jienastit vaikko guđe suohkanis. Dáppe gávnnat buot báikkiid gos sáhttá ovdagihtii jienastit. Jus jienastat ovdagihtii eará suohkanis go doppe gos leat jienastuslogus, de fertet dan dahkat nu árrat ahte du jietna sáhttá ollet rievttes suohkanii ovdal čakčamánu 12. beaivvi.

Váldde mielde legitimašuvnna go boađát ovdagihtii jienastit. Muđui it beasa jienastit jus jienaid vuostáiváldi ii dovdda du. Viečča eandalii válgakoartta iežat telefovdnii ja váldde dan nai mielde, vaikko dat ii gáibiduvvo ovdagihtii jienasteapmái.

Váldde oktavuođa iežat ruovttusuohkaniin jus it leat ožžon válgakoarttat ovdal borgemánu 10. beaivvi.

Válljejeaddjit geat orrot institušuvnnas, besset ovdagihtii jienastit dain institušuvnnain mat leat namuhuvvon dás vuollelis.

Dáppe sáhtát ovdagihtii jienastit (buot árgabeivviid)

• Guovdageainnu bálvaluskántuvrras 10.08. - 01.09.23 dii. 08:30 - 15:30.
• Guovdageainnu bálvaluskántuvrras lávvordaga 02.09.23 dii. 10:00 - 15:00.
• Guovdageainnu bálvaluskántuvrras 04.09. - 08.09.23 dii. 08:30 - 18:00.
• Máze skuvllas 28.08. - 07.09.23 dii. 09:00 - 15:00.
• Máze skuvllas 08.09.23 dii. 09:00 - 14:00.

Dasa lassin lea vejolaš jienastit dáppe:

• Buhcciidruoktu 29.08.23 dii. 11:00 - 12:00.
• Ássankollektiiva 29.08.23 dii. 12:00 - 13:00.
• Dorvogoahti 29.08.23 dii. 13:00 - 14:00.
• Máze orrun- ja bálvalusguovddáš 30.08.23 dii. 13.00 - 14:00.
• Diehtosiida 28.08.23 dii. 10:00 - 14:00.

Guovdageainnu suohkana válgastivra