Bellodagaid ja joavkkuid listoevttohusat sáddejuvvojit elektrovnnalaččat Válgadirektoráhta digitála čovdosa bokte: 

Elektrovnnalaš listoevttohus

Listoevttohus lea listu mas kandidáhtat geat áigot cegget listu válggas. Bellodagat ja joavkkut mat áigot dan bargat, fertejit buktit listoevttohusa válgastivrii suohkanis dahje fylkasuohkanis gos áigot cegget listu.   
Bellodagat ráhkadit evttohusa listui, ja listoevttohus lea vuođđu jienastanlihppui.  

Sáhtát lohkat eambbo listoevttohusa birra Válgadirektoráhta ruovttusiiddus: 
Listoevttohus – Valg.no
Áigemearri buktit listoevttohusa lea njukčamánu 31. beaivvi diibmu 12:00 válgajagis, jagis 2023. 

Dáppe sáhtát lohkat eambbo gáibádusaid ja áigemeriid birra

Priváhtaolbmot geat áigot evttohussan vuolgit, fertejit čuožžut ovtta listoevttohusas. Sáhtát evttohussan vuolgit juogo bellodahkii mii juo gávdno dahje ráhkadit sierra listoevttohusa. Vaikko gii sáhttá ráhkadit listoevttohusa, muhto sii fertejit deavdit dihto gáibádusaid ovdal dohkkehuvvojit evttohussan vuolgit.  
Dohkkehuvvon listoevttohusat leat vuođđun jienastanlihpuide mat galget prentejuvvot ja geavahuvvot válgalanjain suohkanis dahje fylkkas.
Listoevttohusat galget meannuduvvot ovdal geassemánu 1. beaivvi. Dasto sáddejit válgastivrrat dohkkehuvvon listtuid Válgadirektoráhttii.
Go Válgadirektoráhtta oažžu dohkkehuvvon listtuid buot válgaguovlluin, almmuhuvvot dat neahttasiidui valg.no

Báikkálaš bellodagat/listtut mat eai leat registrerejuvvon Bellodatregistarii

Galle vuolláičállaga gáibiduvvojit vuolgá das leago bellodat registrerejuvvon Bellodatregistarii ja man olu searvan ovddit stuoradiggeválggas lei. 

Listoevttohusa galget vissis mutto olbmo vuolláičállit, geain lea jienastanvuoigatvuohta suohkanis mii vástida 2 proseantta jienastanvuoigaduvvon ássiin maŋemus suohkanstivraválggas. Listoevttohusa galget liikká unnimusat vuolláičállán seamma ollu jienastanvuoigaduvvon olbmo suohkanis go áirasat geat galget válljejuvvot suohkanstivrii. 300 olbmo vuolláičállaga galget leame doarvái.

Guovdageainnu suohkanii gusto: Unnimus 46 vuolláičállaga