Friskus

Mii lea kautokeino.friskus.com? 

Guovdageainnu suohkan fállá dán doaibma- ja eaktodáhtolašreaiddu kautokeino.friskus.com. Dáppe beasat don ássin oaidnit oppalaččat buot doaimmaid iežat lagasbirrasis, vai álkit gávnnat daid lágidemiid mat dutnje heivejit.

Golbma álkes ceahki searvat friskus.com:ii:

  1. Mana neahttasiidui friskus.com
  2. Coahkkal «ČÁLIT SISA» badjin olgeš bealde siiddus ráhkadan dihte alccet persovnnalaš geavaheaddjekonto
  3. Lasit iežat telefovdnanummára ja coahkkal «BOAĐE JOHTUI». Ráhkat beassansáni ja de leat gearggus!

 

Searvvit ja orginasašuvnnat Guovdageainnu suohkanis

Kautokeino.friskus.com lea du váste guhte háliidat oaidnit mii du suohkanis dáhpáhuvvá. Dáppe sáhtát dieđihit iežat lágidemiide, váldit oktavuođa lágideddjiiguin ja searvat joavkkuide main beroštat, juste dalle go alccet heive. De it dárbbaš šat ohcat máŋgga iešguđetge sajiin go háliidat fuobmát juoidá suohttasa!

Gávdnojit doaimmat buot ahkejoavkkuide, ja válljet ieš guđemuččaid háliidat oažžut iežat kaleandarii. Bálvalus lea nuvttá ja almmá máidnosiid haga.

Viimmat lea álki oaidnit mii dáhpáhuvvá du lahkosis!


Guovdageainnu suohkan fállá kautokeino.friskus.com mii lea bajilgovva doaimmain ja koordinerenreaiddu. Doppe sáhttet searvvit ja organisašuvnnat álkit čalmmustahttit ja koordineret iežaset doaibmafálaldagaid, nuvttá ja oadjebasat.

Kautokeino.friskus.com-siiddus sáhtát čohkket ja čájehit buot lágidemiid ja doaimmaid ovtta sajis, rekrutteret oasseváldiid ja eaktodáhtolaččaid, ja dasa lassin koordineret ja plánet din doaibmafálaldaga. Sáhtát maid gulahallat miellahtuiguin, dahje ovttasbargat eará organisašuvnnaiguin ja lágidit doaimmaid ovttas – vai eambbosat suohkana ássiin oidnet din.

Jurddaš man buorre go dál šaddá nu álki oaidnit buot dan buori mii min suohkanis dáhpáhuvvá – ovtta sajis! Dieđit iežat dál jo mielde ja ovddit din organisašuvnna dáppe: Kautokeino.friskus.com.

Manne kautokeino.friskus.com? 

Kautokeino.friskus.com-geavahemiin mii háliidit dahkat eambbosiidda, sihke nuoraide ja rávisolbmuide, álkibun leat aktiiva, sosiála ja searvvis. Ássiide ferte šaddat álki gávdnat doaimmaid mat heivejit sin beroštumiide ja sávaldagaide, ja didjiie ges álki čalmmustahttit fálaldagaid!

Movt šattat lágideaddjin Kautokeino.friskus.com:s?

1. Mana deike: Kautokeino.friskus.com 

2. Coahkkal bajemusas siiddus, “ŠATTA LÁGIDEADDJIN”

3. Ráhkat persovnnalaš geavaheaddjekonto iežat namas ja deavdde dieđuid iežat organisašuvnna birra

Oaččut e-boastta go lágideaddjesiiddu sáhttá váldit atnui, ja de sáhtát almmuhit din lágidemiid ja eaktodáhtolaš bargguid.

 

Leat go dus jearaldagat kautokeino.friskus.com birra? Váldde oktavuođa minguin suohkanis: 

Namma: Ellen Karin M. Gaup

E-boasta: ekmk@kautokeino.kommune.no 

Tlf: 40105319

Ellen Karin Marjana Gaup
Nuoraidkoordináhtor
E-poasta
Mobiltelefovdna 401 05 319