Sisaváldin

Ohppiid váldosisaváldin lea miessemánu 1. b. juohke jagi, muhto mii váldit sisa ohppiid birra jagi. Go dieđiha iežas mielde, de gánniha russet máŋga doaimma, go de lea buoret vejolašvuohta beassat mielde juoga masa. Sáhttá maid gánnihit russet movt áigu vuoruhit. Oahppit geat ohcet olggobealde váldosisaváldima, besset mielde nu jođánit go šaddá sadji. Oahppit geat leat ožžon fásta saji, dollet dan dassážii go celkojuvvo eret.

6-vahkkosaš kurssaide addojuhkkojit sajit juohke kursaálgima oktavuođas.

Ahkemearrádusaid birra: Lea dat jahkelohku go oahppi deavdá x jagi mii gusto dalle go badji/kursa álgá.

Oahppit geat leat ožžon fásta saji sáhttet oassálastit buot kulturskuvladoaimmaide maidda leat ohcan ja beassan, dasa gullet maid 6-vahkkosaš kurssat.

Ohcanáigemearri oažžut saji lea miessemánu 1. b.

Áigemearri dieđihit eret lea juovlamánu 1. b. giđđajahkebealis ja geassemánu 1. b. čakčajahkebealis.

Movt dieđihit iežas mielde?

• Viečča skovi ja deavdde dan. Guoros skovi gávnnat das (PDF, 185 kB).  Skovit báberhámis gávdnojit kulturskuvllas, álbmotgirjerádjosis ja bálvalusguovddážis.
• Skánne devdojuvvon skovi, dahje govve dan, ja sádde kulturskuvlii e-boastta bokte. Dan sáhttá maid buktit kulturskuvlii, álbmotgirjerádjosii dahje bálvalusguovddážii.
• Sáhtát maid váldit oktavuođa kulturskuvllain njuolga, ja mii de veahkehit du dieđihanskoviin. 

Dieđiheapmi geatnegahttá ekonomalaččat ja dan sáhttá dušše mearriduvvon áigemeriid ovdal cealkit eret. Jus oahppi heaitá gasku baji, de ferte goitge máksit olles mávssu dan jahkebeali ovddas.

Buot kurssain/fálaldagain sáhttet oahppit oažžut ovtta geahččalandiimmu kursaálggus, muhto das duohko lea geatnegahtti dieđiheapmi ja ollislaš kursadivat.

Go eret áigu dieđihit, de galgá váldit čálalaš oktavuođa kulturskuvllain áigemeari siste.

Máksin

Kulturskuvlla divatmáksu juhkkojuvvo guovtti oassemáksui, okta čakčat ja okta giđđa, ja suohkan dat sádde rehkega. Oahppit geat ožžot saji gasku jahkebealis, mákset unnit.
6-vahkkosaš kurssaid ovddas sáhttá máksit ovtta ain hávális dahje buot ovddas oktanis.

Hattit