Čuovvovaš joavkkuide fállojuvvo koronaboahkut:

• Sii geat eai leat váldán boahku
• Sii geat háliidit váldit nuppi dosa
• Sii geat dárbbašit váldit goalmmát dosa (ahki 18 jagi ja boarráset)
• Mánát geain leat vuollálas dávddat

Interválla gaskkal nuppi dosa ja ođastandosa (3. dosa) lea 20 vahkku.

Sáhtát váldit influeansa- ja koronaboahku oktanaga.

Dáppe gávnnat goas koronaboahkuheapmi čađahuvvo.

Nuorat gaskkal 12-15 jagi

Mánáide ja nuoraide lea riska unni šaddat duođalaš buohccin, vaikko sis lea ge vuollálas dávda. Aŋkke rahppojuvvo boahkuheapmi mánáide ja nuoraide geain lea alla riska šaddat duođalaš buohccin. Dát leat ovddemus mánát ja nuorat geain leat duođalaš ja kompleaksa neurologalaš buozanvuođat dahje geat leat riegádan syndromain, muhto maiddai buozalmasvuođat merkejuvvon * listtus FHI neahttasiiddus. Eará diliid gos erenoamáš alla riska sáhttet árvvoštallojuvvot individuálalaččat maŋŋel sierra ávžžuhusaid mánáiddoaktáris.

Booster-dosa (3.dosa)

Booster-dosa/ođastandosa fállojuvvo buohkaide badjel 18 jagi.

Ođastandosa sáhttá leat veahkkin buoridit suddjema duođalaš dávdamannolaga ja jápmima vuostá.

Ráđđehusa mihttu lea ahte buohkat badjel 45 jagi galget ožžon ođastandosafálaldaga ođđajagimánu nuppi vahkku mielde ja sii geat leat badjel 18 jagi galget ožžon ođastandosafálaldaga ovdal guovvamánu 2022 loahpa.

Lea earenoamáš dehálaš ahte dat olbmot geain leat vuollálas buozalmasvuođat ja dilálašvuođat geain moderáhta stuorát riska duođalaš covid-19 dávdamannolat agis 18-44 jagi, váldet ođastandosa.

Joavkoboahkuheapmi buohkaide badjel 65 jagi

Dál ávžžuhuvvo njealját boahkkodosa koronadávdda covid-19 vuostá, ja mii fállat dan buohkaide geat leat badjel 65 jagi.

Olbmot geain lea duođalaš hedjonan immunasuodjalus sáhttet maid oažžut fálaldaga ođđa ođastandosa go lea árvvoštallojuvvon buohcciviesus, beroškeahttá agis.

Jus it leat geargan vuođđoboahkuhemiin, sáhtát maiddai váldit 1., 2., ja 3. dosa.

Koronaboahkuhanáiggit