Gažaldagat ja vástádusat koronaboahkuheami birra

Álggus 2021 bohte Covid-19 boahkut Guovdageainnu suohkanii.

Sprøyte - Deaddil ja stuora govva ihtá

Álggu 2020 rájes lea máilbmi ja Norga soahtán koronapandemiijain. Leat bidjon ollu resurssat gárgedit buori boahkuid koronavirusa vuosttá. Guovdageainnu suohkan lea álgán boahkuhemiin ja čuovvu koronaboahkuhan plána.

Dás leat moadde gažaldaga ja vástádusa koronaboahkuheami birra.

1 Gos diŋgo áiggi boahkuheapmái?

It dárbbaš diŋgot áiggi. Guovdageainnu suohkanis lea vuoruhanráidu mii čuovvu álbmotdearvvašvuođainstituhtta rávvemiid ja mii váldit oktavuođa telefovnna bokte. Dát bargu álggahuvvo ođđa jagis, muhto mearriduvvo das goas boahkut bohtet.

Loga maid: Dieđut korona boahkuheami birra

2 Gii oažžu boahkut vuosttažin?

Vuoruhanráiddu sáhtát gávdnat dáppe.

Fástadoavttir dahje suohkan váldá oktavuođa duinna go lea du vuorru oažžut koronaboahkkun fálaldaga.

3 Lea go bággu váldit boahku?

Buot boahkkun Norggas lea eaktodáhtolaš. Mii ávžžuhit buohkaid váldit boahku. Dat sáhttá joavkoimmunitehta addit nu ahte beassat rahpagoahtit servvodaga.

4 Man ollu máksá váldit boahku?

Sihke boahkut ja boahkuheapmi koronaboahkuhanprográmmas lea nuvttá sidjiide geaidda lea ávžžuhuvvon váldit boahku.

Dat ii leat vejolaš máksit vai ahte beassat ovdalii boahkuhanráiddus.

5 Sáhttit go eallit dábálaččat fárggá?

Vaikko leat ge álgán boahkuhemiin, de boahtá váldit guhkes áiggi ovdal buohkat geat leat ávžžuhuvvon váldit boahku ožžot fálaldaga. Dassážii mii fertet muitit:

  • Buori giehta- ja gossandábit.
  • Doallat 1 mehtera gaskka earáide geaiguin ii oro fárrolaga. Doala fysalaš gaskka, ale dearvvat gieđain dahje atte buorrestaga.
  • Jus oažžut dávdamearkkaid, biso ruovttus ja váldde iskosa.

Álbmotdearvvašvuođainstituhtta dieđuid koronaboahkuhanprográmma birra gávnnat dáppe.

6 Goas oažžun mun koronaboahku?

Dáppe sáhtát geahččat álbmotdearvvašvuođainstituhta boahkuhankaleandara. 

Logut, áiggit ja dáhtonat leat dušše meroštallamat.