Jus jáhkat ahte dutnje lea njommon

Buohkat geat ballet ahte lea korona (Covid-19) virus njommon sidjiide sáhttet dál diŋgot iskkadeami doaktárárvvoštallama haga.
Ovdal go válddát oktavuođa, loga iskkadeami birra HelseNorge neahttasiidduin.

Maid dagan jus jáhkán munnje lea njommon?

  • Jus leat buohcci, de biso ruovttus. 
  • Goas galget nuorat ja rávisolbmot leat ruovttus skuvllas/barggus ja testejuvvot leago sis covid-19?
  • Buohkat geaidda sáhttá njommon (leamaš ng. lahka oktavuohta dahje mátkkoštan rukses riikkain/guovlluin maŋemus logi beaivvi) dahje geain leat nuorvomearkkat, berrejit váldit iskkadeami.
  • Jus leat buohcci ja dárbbašat doavtterveahki, dahje dárbbašat sierra dearvvašvuođarávvagiid, de váldde telefovnna bokte dahje elektrovnnalaččat oktavuođa fástadoaktáriin.
  • Jus dárbbašat hoahppoveahki it ge oaččo fástadoaktára ságaide, de riŋge 116117.
  • Jus lea heaggavárra, de riŋget 113.
  • Jus leat karantenas ja dávdamearkkat ilbmet, de galggat iskkadeami váldit. 
     

Diŋgot iskkadandiimmu

Diŋgo iskkadandiimmu telefovnna bokte, 78 48 72 60. Diŋgonáiggit leat mánnodagas bearjadahkii dii. 08:30-11:15 ja 12:00-15:00.
Guovdageainnu doavtterkantuvrra rabasáigi divššu ja iskkusváldima váras lea dii. 08:00 – 15:30.

Dárbbašat go veahki maŋŋelgaskabeaivvi dahje vahkkoloahpaid?

Váldde oktavuođa Guovdageainnu heahtevehkiin 116117.
Fáhkkaveahki oažžut dahje go lea heakka ja dearvvašvuođa várra, riŋge 113.

Jus leat oppalaš jearaldagat korona (covid-19) birra – geahča HelseNorge neahttasiiddu.

Gos váldet iskkadeami?

Go leat diŋgon iskkadandiimmu de galggat deike boahtit.

Fuomáš! Vuordde biillas dassážii mii sihtat du boahtit sisa. 

Čájeha gos koronaiskkadeami váldet. - Deaddil ja stuora govva ihtá  

Geat berrejit váldit koronaiskosa?

Čuovvovaš olbmot berrejit váldit covid-19 iskosa:

  • Buohkat geain leat covid-19 dávdamearkkat, beroškeahttá leat go váldán koronaboahku
  • Jus orut seammá viesus go muhtin geas lea duođaštuvvon korona ja leat váldán ovtta dahje ii ovttage boahku, dahje jus leat seammasullasaš lagasoktavuohtan muhtimii geas lea korona
  • Eará lagasoktavuođat geat eai leat váldán koronaboahku

Jeavddalaš iskkadeami sáhttá atnit jus dakkár dilálašvuohta gos oallugiidda lea njommon, ja go njoammunviidáneami eat dovdda.
 

Dilálašvuođat go iskkusváldin lea láhkamearriduvvon

Muhtin dilálašvuođain láhkamearriduvvon ahte galggat váldit koronaiskosa. Čuovvovaš olbmot galget váldit iskosa:

  • Buohkat geat bohtet Norgii rukses, sevdnjesrukses, sáhppes dahje ránes riikkain dahje báikkiin, ja eai leat ollislaččat boahkuhuvvon dahje ii leat buohcan covid-19 geažil maŋemus 6 mánu.
  • Buohkat geat leat mátkkoštanerremis ja ožžon covid-19 dávdamearkkaid.
  • Buohkat geat leat mátkkoštanerremis sáhttet váldit PCR-iskosa maŋŋel 3 jándora.
     

Mánáin váldit iskosa

Iskosa váldit mánáin sáhttá árvvoštallot ovttasráđiid váhnemiin, ovdamearkka dihte jus mánná lea ožžon covid-19 dávdamearkkaid maŋŋel go lea leamaš lagasoktavuohta muhtumin geas lea njoammun.

Iskkadeamivástádusat

Don oaččut iežat korona (covid-19) iskkadeami vástádusa helsenorge.no siiddus dakkaviđe go dat lea analyserejuvvon ja vástiduvvon (sáhttá rievddadit man guhka ádjána oažžut vástádusa). Buot Norgga laboratoriaid iskkadeamivástádusat gávdnojit doppe. 

Diŋgot doavttirdiimmu! Bestill legetime!
Telefovdna 78 48 72 60