Ollu vuoiŋŋahatvuolššit servodagas

Leat ollu vuoiŋŋahatvuolššit servodagas dál, ja oallugat geat leat buohccit. Lea sihke covid-19, influeansa ja dábálaš nuorvovirus mii leavvá.

Dat mearkkaša ahte lea stuora deaddu dearvvašvuođabálvalusas dál, earenoamážit doavttirkantuvrras ja doavttirvávttas, ja sáhttá šaddat guhkit vuordináigi doavttirkantuvrra telefovnnas ja oažžut doavttirdiimmu.

Ii leat dárbu váldit oktavuođa doaktáriin jus leat láivves dávdamearkkat.

Dus lea riekti váldit 8 iešdieđihanbeivviid maŋŋálaga , dasa ii leat dárbu váldit oktavuođa doaktáriin.

 

Leat go eahpesihkar makkár njuolggadusat gustojit dál?

Flytskjema - Deaddil ja stuora govva ihtá 

Covid-19 ávžžuhusat mat gustojit dál leat:

  • Oro ruovttus jus leat buohcci, ja garvve deaivvadit olbmuiguin geain lea riska duođalaččat buohccát jus dus leat aitto čuožžilan vuoiŋŋahatdávdamearkkat
  • Don it dárbbaš orrut ruovttus 4 jándora
  • Váldde oktavuođa doaktáriin jus dárbbašat dearvvašvuođaveahki
  • It dárbbaš váldit iešiskosa. Jus aŋkke leat ožžon positiiva iskosa, gustojit seamma rávvagat orrut ruovttus jus dovddat ahte leat buohcci
  • It dárbbaš dieđihit positiiva iešiskosa suohkanii ge.
  • Leat sierra ávžžuhusat sidjiide geain lea stuorát riska duođalaččat buohccát covid-19 dávddain dáppe: Råd og informasjon til risikogrupper og pårørende (fhi.no).

 

Geahča dáppe maid dagat go leat čuožžilan vuoiŋŋahatdávdamearkkat (fhi.no)

 

Iešiskosat bohtet ain leat olámuttos

Molsunáigodagas leat iešiskosat/ruovttuiskosat olámuttos suohkanis sidjiide álbmogis geat ain háliidit váldit iskosa. Rávvagat jus iskkus lea positiiva dahje negatiiva leat dat seamma; oro ruovttus jus dovddat ahte leat buohcci.