Ođđaseamos koronadieđut – vahkku 35

Guovdageainnu suohkan muittuha álbmoga čuovvut njoammueastadanbijuid eastadit sihke koronavirusa, influeansa ja eará virusiid leavvamis.

Korona

Dán vahkku bođii diehtu ahte ovtta ođđa olbmos lea duođaštuvvon koronavirusnjoammun. Njoammuguorran lea čađahuvvon ja sus eai lean lagasoktavuođat Guovdageainnus. PCR-iskkus čájehii maid positiiva iskkusbohtosa ja son lea ain isolašuvnnas.

Mannan vahkku leat váldon 93 koronaiskosa. Eai lean positiiva iskkusbohtosa.

Njoammundilálašvuohta ja stuora deaddu suohkanin dagaha ahte ráđđehus lea mearridan bissut goalmmát ceahkis rahpagoahtinplánas gitta eambbosat leat ollislaččat boahkuhuvvon.

Loga ráđđehusa preassadieđáhusa rahpagoahtinplána birra.

 

Koronaboahkuheapmi

Guovdageainnu suohkan ávžžuha buohkaid váldit koronaboahku.

Guovdageainnu suohkan lea dán vahkku bidjan 147 koronaboahkkodosaid, dain leat 37 olbmo geat leat ožžon vuosttaš boahkkodosa ja 110 leat ožžon nuppi dosa. Dássážii leat obbalaččat 3345 boahkkodosa addon Guovdageainnus, dáin leat 1829 vuosttaš boahkkodosat ja 1516 leat nubbi dosa.

Dáppe oainnat galle koronaboahkkodosa leat addon Guovdageainnus guđetge vahkku.

 

Koronaboahkkofálaldat sidjiide geat leat gaskkal 12-15 jagi

Ráđđehus lea mearridan ahte sii geat leat gaskkal 12 ja 15 jagi galget oažžut koronaboahkkofálaldaga. Ahkejoavku oažžu vuosttažettiin fálaldaga váldit ovtta boahkkodosa.

Loga eanet dán birra ráđđehusa preassadieđáhusas.

 

Manne váldit covid-19 boahku?