Ođđaseamos koronadieđut – vahkku 34

Ii leat duođaštuvvon eanet positiiva koronanjoammun Guovdageainnus. Olusboahkuheami maŋemus beaivi lea čakčamánu 1. beaivvi, dalle lea maid drop-in boahkuheapmi dii. 15-17:30.

Korona

Ovddit vahkku leat váldon 139 koronaiskosa. Eai leat eará positiiva iskkusbohtosat earret dat maid birra leat dieđihan ovddit vahkku.

Álgoálggus berrešit buohkat doallat gaskka earáide earret sidjiide geaiguin orut ovttas. Unnimusat mehter gaskka lea váldonjuolggadus. Garvve fysalaš oktavuođa, buorástahttit ja buorrestit.

Geavat Smittestopp-applikašuvnna geahpidan dihte barggu identifiseret lagasoktavuođaid main amas eksponerengáldut. 

 

Koronaboahkuheapmi

Guovdageainnu suohkan ávžžuha buohkaid váldit koronaboahku.

Čakčamánu 1. beaivvi lea maŋemus háve go lea olusboahkuheapmi LES-viesus.

DROP-IN boahkuheapmi lea dii. 15:00 – 17:30.


Jus it mana drop-in boahkuheapmái de fertet ieš diŋgot áiggi koronaboahkuheapmái. Dan dagat helsenorge siiddu bokte dahje riŋget boahkuhankoordináhtorii, tlf.: 485 00 784

 

16- ja 17-jahkásaččat sáhttet maid oažžut koronaboahku dál. Jus it leat vuos 16 jagi, muhto deavddát 16 jagi dán jagi, de dárbbašat duođaštusa goappaš váhnemiin vai ahte oažžut koronaboahku.

 

Guovdageainnu suohkan lea dán vahkku bidjan 146 koronaboahkkodosaid, dain leat 42 olbmo geat leat ožžon vuosttaš boahkkodosa ja 104 leat ožžon nuppi dosa. Dássážii leat obbalaččat 3198 boahkkodosa addon Guovdageainnus, dáin leat 1792 vuosttaš boahkkodosat ja 1406 leat nubbi dosa.

Dáppe oainnat galle koronaboahkkodosa leat addon Guovdageainnus guđetge vahkku.