Ođđaseamos koronadieđut - vahkku 26

Guovdageainnus ii leat duođaštuvvon koronanjoammun. Leat bidjon 147 koronaboahkkodosa dán vahkku. Dál rahppo vejolašvuohta buohkaide badjel 18 jagi diŋgot áiggi koronaboahkuheapmái.

Korona

Otnáža rádjái (02.07.2021) ii leat dieđihuvvon koronanjoammun Guovdageainnu suohkanis. Leat váldon 100 koronaiskosa ovddit vahkku, eai lean positiiva iskkusbohtosat.

Koronaboahkuheapmi

Guovdageainnu suohkan lea dán vahkku bidjan 147 koronaboahkkodosaid, dain leat 136 olbmo geat leat ožžon vuosttaš boahkkodosa ja 11 olbmo leat ožžon nuppi dosa.

Dáppe sáhtát geahččat Guovdageainnu koronaboahkuhanloguid.

Guovdageainnu suohkan lea dán vahkku fállan boahku olbmuide geat gullet 10. vuoruhanjovkui, dat leat buohkat gaskkal 18-24 jagi ja 40-44 jagi.

Boahtte vahkku rájes boahkuhit olbmuid geat gullet maŋemus vuoruhanjovkui, joavku 11: olbmot gaskkal 25-39 jagi. Sii sáhttet dál álgit diŋgot áiggi boahkuheapmái. 

Movt galgá diŋgot áiggi koronaboahkuheapmái?

Fuomáš! Koronaboahkuheapmi joatká LES-viesus.