Ođđaseamos koronadieđut – vahkku 25

Guovdageainnus ii leat koronanjoammun. Leat bidjon 153 koronaboahkkodosa dán vahkku.

Korona

Otnáža rádjái (25.06.2021) ii leat dieđihuvvon koronanjoammun Guovdageainnu suohkanis. Leat váldon 61 koronaiskosa ovddit vahkku, eai lean positiiva iskkusbohtosat.

Koronaboahkuheapmi

Guovdageainnu suohkan lea dán vahkku bidjan 153 koronaboahkkodosaid, dain leat 115 olbmo geat leat ožžon vuosttaš boahkkodosa ja 38 olbmo leat ožžon nuppi dosa.

Dáppe sáhtát geahččat Guovdageainnu koronaboahkuhanloguid.

Guovdageainnu suohkan lea dál fállan boahku olbmuid geat gullet 9. vuoruhanjovkui, dat leat buohkat agis 45-54 jagi. Boahtte vahkku rájes ožžot sii geat gullet 10. vuoruhanjovkui (ahki 18-24 ja 40-44 jagi) koronaboahkkofálaldaga.

Guovdageainnu suohkan fállá dál vejolašvuođa diŋgot áiggi koronaboahkuheapmái helsenorge.no neahttasiiddu bokte. Loga eambbo dán birra dán artihkkalis: Diŋgot diimmu covid-19 boahkuheapmái.

Fuomáš! Koronaboahkuheapmi joatká LES-viesus.

 

Rávvagat ja njuolggadusat dutnje gii leat boahkuhuvvon dahje geas lea leamaš covid-19 njoammu.