Denne artikkelen er over 1 år gammel og kan inneholde utdatert informasjon

Ođđaseamos koronadieđut - vahkku 24

Guovdageainnus ii leat koronanjoammun. Leat bidjon 147 koronaboahkkodosa dán vahkku.

Korona

Otnáža rádjái (18.06.2021) ii leat dieđihuvvon koronanjoammun Guovdageainnu suohkanis. Leat váldon 54 koronaiskosa ovddit vahkku, eai lean positiiva iskkusbohtosat.

Ráđđehus joatká rahpamis servvodaga ja lea dál goalmmát ceahkis rahpagoahtinplánas. Loga eambbo dán birra ja gustovaš našunála doaibmabijuid birra ráđđehusa preassadieđáhusas.

 

Koronaboahkuheapmi

Guovdageainnu suohkan lea dán vahkku bidjan 147 koronaboahkkodosaid, dain leat 82 olbmo geat leat ožžon vuosttaš boahkkodosa ja 65 olbmo leat ožžon nuppi dosa.

Dáppe sáhtát geahččat Guovdageainnu koronaboahkuhanloguid.

Dál leat fállame koronaboahkuid olbmuide geat gullet 9. vuoruhanjovkui; dearvvaš rávisolbmot badjel agi 45 jagi. Dasa lassin sáhttet olbmot geat gullet vuoruhanjoavkkuide 1-8 geat háliidit koronaboahku váldit oktavuođa boahkuhantelefovnnain: 485 00 784.

Go eai leat nu galle boahkut lea hui dehálaš ahte boađat šiehtaduvvon áigái. Jus it sáhte boahtit omd. Buozalmasvuođa dihte bivdit du riŋget boahkuhantelefovdnii dahje doaktárkantuvrii nu jođánit go vejolaš, telefovdna nummár lea 485 00 784 / 78 48 72 60.

 

Jus dus II LEAT fástadoavttir Guovdageainnu suohkanis ja leat suohkana álbmotregistaris, riŋges 485 00 784 vai ahte registreret du koronaboahkuheapmái.