Ođđaseamos dieđut korona ektui

Guovdageainnu suohkanis ii leat duođaštuvvon koronanjoammun ja suohkan joatká čuovvut nationála njuolggadusaid.
Deaddil ja stuora govva ihtá

Korona

Guovdageainnu suohkan lea váldán 90 koronaiskosa vahkku 20, buot iskkusbohtosat ledje negatiiva. Otná, 28.05.2021, rádjai ii leat duođaštuvvon koronanjoammun Guovdageainnus.

 

Nationála doaibmabijuid oppalašgeahčastat

Guovdageainnu suohkan čuovvu daid nationála njuolggadusaid.

 

Koronaboahkuheapmi

Dán vahkku oaččui Guovdageainnu suohkan 17 koronaboahkkuláse. Das bohte 113 boahkkudosa, mas 108 olbmo leat ožžon nuppi boahkkudosa ja 5 olbmo leat ožžon vuosttaš dosa. Dán rádjai mii leat addan 1258 boahkkudosaid.

Dat mearkkaša ahte sullii 34% Guovdageainnu álbmogis lea ožžon 1. boahkkudosa, ja sullii 21% álbmogis lea ožžon nuppi dosa.

Guovdageainnu suohkan lea measta geargan boahkuheame olbmuid geat gullet 7. vuoruhanjovkui (ahki 18-44 jagi geain lea vuollálas dávda dahje dilálašvuohta) ja álgit boahtte vahkku boahkuhit sin geat gullet 8. Vuoruhanjovkui (ahki 55-64 jagi).

Guovdageainnu suohkan oažžu 24 Pfizer/BioNTech boahkkoláse vahkku 22, das leat sullii 156 boahkkodosa. Vahkku 23 mii oažžut 20 láse mas Pfizer/BioNTech koronaboahkut, dat leat sullii 130 boahkkodosa. 

Guovdageainnu suohkana dieđut koronaboahkuheami birra.

Buohkat geat gullet vuoruhanjoavkkuide 1-6 leat ollislaččat boahkuhuvvon.
Jus don meinet don gulat ovtta daid joavkkuide ja it leat ožžon boahkkofálaldaga suohkanis, váldde oktavuođa boahkuhankoordináhtoriin, tlf: 485 00 784.

Vahkku 22 rájes juohkit boahkuhanáiggi sms/teakstadieđu bokte. Dat mearkkaša ahte boahkuhankoordináhtor ii riŋge šiehtadit boahkuhanáiggi.

 

Suomarádji

Suomas leat ollu baikkit mat eai dagat ahte fertet erremii dahje iskosa váldit go boađat fas Norgii.

Kártá mas oainnat riikkaid/báikkit Eurohpás mat leat fiskadat dahje ruoksadat.

Ássit rádjeservvodagain Suomas ja Norggas sáhttet fas mátkkoštit rájáid badjel.

Olbmot geat rasttildit rájá fertejit duođaštit sin identitehta. Mátkkošteapmi davviriikkaid gaskkas muhtumii gii lea davviriikkalaš gáibiduvvo dušše ahte juoga ládje duođašta identitehta. Mátkkošteaddjit fertejit prinsihpalaččat sáhttit duođaštit ahte gullet rádjeservvodahkii orrunbáikki vuođul. Jus dárbbašlaš de sáhttá rádjevákta jearrat gažaldagaid, sihkkarastin dihte.

Rádjerasttildanbáikkit riikkarájáin Suoma ja Norgga gaskkas leat rabas gaskkal dii. 08:00-20:00 Norgga áigi.

Loga eambbo suoma rádjeeisseválddiid neahttasiiddus.